Foto: Aqorda
Prezıdentttiń aıtýynsha, ınvestısııalyq ahýaldy jáne bıznes júrgizýge qajetti jaǵdaıdy jaqsartý jolynda úzdiksiz jumys isteý mańyzdy.
«Dúnıe júzinde ınvestısııaǵa talas órship turǵan kezde elge qarjy tartý úshin «dál osy jerde jáne dál qazir» qaǵıdasy boıynsha sheshim qabyldaý – eń qajet shara. Sondyqtan Úkimet janyndaǵy Investısııa shtabyna aýqymdy quzyret berildi. Bul qadam metaldy tereń óńdeý, munaı-gaz-kómir hımııasy, týrızm, energetıka jáne mashına jasaý sııaqty mańyzdy salalardaǵy jobalardy júzege asyrý qarqynyn arttyrýǵa jol ashty», dedi Memleket basshysy.
El Prezıdentiniń aıtýynsha ekonomıkaǵa salynǵan tikeleı ınvestısııa kólemin azaıtyp almaý úshin osy baǵyttaǵy jumysty kúsheıtý kerek. Keıbir ákimder men mınıstrler ınvestor tartý isine jóndi atsalyspaı otyr. Úkimet bul sharýany retke keltirýge tıis.
«Memlekettik-jekemenshik áriptestik arqyly iske asyrylatyn jobalardy sapaly ázirleý qajet. Ásirese, halyqaralyq qarjy ınstıtýttary qatysatyn jobalarǵa basa nazar aýdarý kerek. Úkimetke halyqaralyq qarjy uıymdary memlekettik-jekemenshik áriptestik tásilimen qarjylandyryp, tolyq júzege asyratyn aýqymdy jobalardyń tizimin jasaýdy tapsyramyn», dedi Memleket basshysy.
Qasym-Jomart Toqaev: «Men bıyl mamyr aıynda «Ekonomıkany yryqtandyrý sharalary týraly» Jarlyqqa qol qoıdym. Bul qujatta kórsetilgen talaptar múltiksiz oryndalýǵa tıis», dedi.
