Foto: Sputnik / Sanat Imangalıev
«Memleket basshysy atom elektr stansasyn salý máselesine qatysty jalpyulttyq referendým ókizý týraly Jarlyqqa qol qoıatyndyǵyn málimdedi. Munan keıin Konstıtýsııalyq zańǵa sáıkes, Ortalyq saılaý komıssııasy referendýmdy ótkizý jónindegi jospar jasaıdy. Qazirdiń ózinde óńirlerde joǵary qyzyǵýshylyqty baıqap otyrmyz, túsindirý jumystary da jalǵasyp jatyr. Parlament depýtattary da osy máselege qosylyp, saılaýshylarmen, qaýymdastyqtarmen, qoǵamdyq pikir kóshbasshylarymen taqyryptyq kezdesýler ótkizedi dep oılaımyn», dedi mınıstr.
Mınıstr referendým taqyrybynyń qoǵam talqysyna túskenine bir jyl, sondaı-aq osy ýaqyt aralyǵy halyqtyń jan-jaqty oılanyp, salmaqty sheshim qabyldaýyna jetkilikti merzim bolǵanyn tilge tıek etti.
Eske sala keteıik, búgin Memleket basshysy Qasym-Jomart Toqaev 2024 jyldyń 6 qazanynda Qazaqstanda AES salý máselesi boıynsha jalpyulttyq referendým ótkiziletinin málimdedi.
