Foto: gov.kz
QMA Tóraǵasy Dmıtrıı Malahov Prezıdenttiń Qazaqstan halqyna Joldaýynda orta bilim berý sapasyn arttyrýǵa jáne óskeleń urpaqty oqytý men jan-jaqty damytý úshin laıyqty jaǵdaılar jasaýǵa erekshe nazar aýdarǵanyn atap ótti.
Bul mindetti oryndaý úshin «Jaıly mektep» aýqymdy jobasy iske asyrylyp jatyr, bul maqsatqa 2,3 trln teńge bólindi.
Zamanaýı talaptarǵa saı keletin 369 mektep salý josparlanyp otyr.
«Samruk-Kazyna Construction» AQ Basqarma Tóraǵasy Máýlen Aımanbetov jobanyń iske asyrylý mártebesi, ony sıfrlandyrý kezeńderi jáne sapaly oryndalýyn qamtamasyz etý boıynsha júrgizilip jatqan jumystar týraly aıtyp berdi.
Kezdesý qorytyndysy boıynsha ekonomıkalyq jáne qarjylyq quqyq buzýshylyqtardyń aldyn alý boıynsha birlesip jumys jasaý men yntymaqtastyq týraly Memorandýmǵa qol qoıyldy.
