Elordanyń jas turǵyndarynan baǵdarlamaǵa qatysý týraly ótinimder birge.astana.kz portalynda onlaın rejımde qabyldanady.
"Elorda jastary" baǵdarlamasynyń áleýetti qatysýshylaryna 2024 jylǵy 10 qyrkúıekti qosa alǵan merzimge deıin qujattar tapsyryp úlgerý kerek.
"Elorda jastary" baǵdarlamasy - Otbasy bank pen Astana ákimdiginiń birlesken jobasy. Bıyl ákimdik baǵdarlamany qarjylandyrýǵa 1 mlrd 350 mln teńge bólip otyr.
Bul jas muǵalimderge, dárigerlerge, jýrnalısterge, mádenıet, sport qyzmetkerlerine, JOO oqytýshylary men ǵylymı qyzmetkerlerine, áleýmettik sala ókilderine, kommýnaldyq kásiporyndardyń, polısııa departamentiniń, TJD qyzmetkerlerine, "Qazposhta" AQ fılıaldarynyń beıindi qyzmetkerlerine, sondaı-aq "jetim balalar" sanaty boıynsha Astana qalasynda turǵyn úıge kezekte turǵandarǵa jeke turǵyn úı satyp alý úshin jeńildikti qaryz alýǵa múmkindik beredi, - delingen habarlamada.
Baǵdarlamaǵa jasy 35 jasqa tolmaǵan Astana turǵyndary qatysa alady.
Áleýetti qaryz alýshylardyń tizimin elordalyq ákimdik qalyptastyratyn bolady.
Qatysýshylardy irikteý ótinishterdi qabyldaý merzimi aıaqtalǵannan keıin bastalady. Tizimge eń kóp upaı jınaǵandar kiredi. Olar jumys ótili úshin esepteledi. Sondaı-aq múmkindigi shekteýli otbasy músheleri bar tulǵalar qosymsha upaı alady.
Pýl qurylǵannan keıin onyń qatysýshysy Otbasy bankten kredıt alýǵa joldama alady. Onda tólem qabilettiligi tekseriledi jáne jyldyq 5% mólsherleme boıynsha qaryz (JTSM 5,2%-dan bastap 5,7%-ǵa deıin) beriledi. Bastapqy jarna 10%-dan bastalady. Elordanyń jas turǵyny ala alatyn kredıttiń eń kóp somasy – 18 mln teńge. Qaryz 19 jylǵa deıingi merzimge beriledi. Kredıt arqyly páterdi bastapqy nemese qaıtalama naryqtan, sondaı-aq "QJK" AQ kepildigi bolǵan kezde úlestik qatysý sharty boıynsha salynyp jatqan turǵyn úıdi satyp alýǵa bolady.
"Elorda jastary" baǵdarlamasynyń qatysýshylaryna qoıylatyn talaptar:
1. Qatysýshynyń jasy ótinish bergen kezde 34 jastan (qosa alǵanda) aspaýy tıis.
2. Qatysýshynyń sońǵy jylda Astana qalasynda úzdiksiz turaqty tirkeýde bolýy.
3. О́tinish bergen kezde Otbasy bankte depozıttiń jáne 10% mólsherinde bastapqy jarnanyń (depozıttiń bar ekendigi týraly sertıfıkat nemese shottan úzindi kóshirme) bolýy.
4. Baǵdarlama qatysýshysynyń jáne onyń otbasy músheleriniń sońǵy 5 jylda QR aýmaǵynda satyp alý quqyǵymen de, quqyǵynsyz da jalǵa beriletin turǵyn úıiniń nemese menshik quqyǵyndaǵy turǵyn úıiniń bolmaýy.
5. Astana qalasynda tańdalǵan saladaǵy zeınetaqy shotynan alynǵan úzindi kóshirmemen rastalatyn resmı jumys ótili - ótinish bergen sátte kem degende sońǵy bir jyl.
6. Otbasynyń árbir múshesine shaqqanda sońǵy 6 aıdaǵy tabys 6 eń tómengi kúnkóris deńgeıinen (zeınetaqy aýdarymdaryn, jeke tabys salyǵyn jáne ózge de mindetti aýdarymdardy esepke almaǵanda) aspaýy tıis;
7. Baǵdarlamaǵa erli-zaıyptylardyń bireýi ǵana qatysa alady.
