Jambyldaǵy jańa zaýyt

Rasynda óńirde ınves­tı­sııa­lyq jobalardy servıs­tik turǵydan súıemel­deý má­s­e­le­si nazardan tys qalǵan joq. Oblys ákimdiginiń baspa­sóz qyz­meti keltirgen derek­ke jú­ginsek, «Taraz» ÁKK ba­za­synda qurylǵan «Zhambyl In­vest» dıreksııasy shetel­dik jáne otandyq ınvestor­lar­dyń er­kin jumys isteýine qoldan kel­genshe qoldaý kórsetip otyr.

Oblys ákiminiń orynba­sary Ábilhaıyr Tamabektiń aıtýynsha, óńirde sý tapshy­lyǵyn azaıtý baǵytynda aýyz toltyryp aıtarlyqtaı jumystar atqarylyp jatyr. Ol keltirgen derekke jú­ginsek, uzyndyǵy 1047 sha­qy­rymdy quraıtyn 203 kanal­dyń ábden tozyǵy jetken.

«Qazirgi tańda uzyndyǵy 545 shaqyrymdy quraıtyn 92 kanaldy retke keltirý úshin jobalyq-smetalyq qujat daıyndap, 430 shaqy­rymdyq 76 kanaldy jóndeý úshin 87 mlrd teńgege qoldaý kór­setildi», deıdi Á.Tamabek.

Osy oraıda óz sózin jal­ǵaǵan oblys ákiminiń orynba­sary: «Bul baǵyttaǵy jumys aldaǵy jyly bastalady. Jalpy, 545 shaqyrym kanaldy tolyq jóndeý qajet. Ol jumysty aldaǵy 2-3 jyldyń bederinde aıaqtaýdy josparlap otyrmyz. Sý tapshylyǵy týraly sóz qozǵaǵanda, sý únemdeý tehnologııalarynyń mańyzyna toqtalǵan jón. Osy jumysty júıeleý maq­satynda otandyq jáne sheteldik alty ınvestordy jumysqa jumyldyryp otyrmyz. Jyl sońyna deıin eki joba iske qosylady. Qalǵan jobalar boıynsha jumys kelesi jyly aıaqtalady», dep otyr.

О́ńirde tamshylatyp sýarý tehnologııasyn jetildirýge basymdyq berilip otyrǵany belgili. Oblys basshysynyń tikeleı muryndyq bolýymen óńirde «KAZ Kaspıı GIDRO aýyl sharýashylyǵy tehnologııasy» kompanııasy tamshylatyp sýarý júıelerin shyǵarý zaýytyn salyp jatyr.

Resmı málimetke súıensek, jaýapty kompanııa basshylary jobaǵa 6 mln dollar qarjy salyp otyr. Al jańa zaýyt tolyq qýatynda iske kirisken kezde 30 adam turaqty jumyspen qamtylady. Nátı­jesinde, aldaǵy jyldary sý únemdeý tehnologııasyn qoldanatyn alań jyl saıyn 12 myń gektarǵa artpaq.

Derekke júginsek, qazirgi kezde zaýytty iske qosý ju­mystary tolyqqandy aıaq­talǵan. Jaqyn kúnderi jańa kásiporyn paıdalanýǵa beri­ledi. Al ázirge zaýytqa qajet­ti ınfraqurylym qurý men uńǵymalardy qazý maq­sa­tynda qajetti qural-jab­dyqtar to­lyqtaı jetki­zildi. Teh­­nıkalyq jumystar jos­parǵa saı iske asyrylyp jatyr.

Joǵaryda aıtqanymyzdaı, sý únemdeý tehnologııalaryn qoldanǵandardyń utyl­maıtyny anyq. Osy baǵytta jumys isteıtin alǵashqy joba jaqyn arada iske qosylsa, qalǵan jobalar 2025 jyly aıaqtalatyny málim. Bir sózben aıtqanda, Jambyl oblysy tamshylatyp sýarý tehnologııasyn paıdalanatyn alqap úlesin jyl saıyn arttyrýǵa belsendi túrde kiriskeli otyr.

Jambyl oblysy