Nepalda bolǵan zilzala qurbandarynyń sany 3 326 adamǵa jetti

ASTANA. 27 sáýir. Nepaldaǵy joıqyn jer silkinisi saldarynan qaza bolǵandardyń sany kún sanap artýda. Qazirgi ýaqytta zilzala qurbandary 3326 adamǵa jetti. Bul týraly dni.ru habarlady. Nepal memleketiniń tótenshe jaǵdaılar jónindegi mınıstri Ramshevar Dangal jer silkinisinen kem degende 6 600 adam zardap shekkenin aıtty. Esterińizge sala keteıik, 25 sáýir kúni Nepalda magnıtýdasy 7,9 balldy quraǵan jer silkinisi bolǵan edi. Mundaı joıqyn zilzala atalǵan elde sońǵy ret 80 jyl buryn tirkelgen. Áli kúnge jer asty dúmpýleri toqtamaı tur. Mamandar bir táýlik ishinde 3,5 men 6,9 ball aralyǵyndaǵy jer silkinisteriniń 48 ret qaıtalanǵanyn aıtty. Atalǵan tabıǵat apatynan Nepal astanasy – Katmandý qalasy eń kóp zardap shekti. Munda myńdaǵan adam qaza taýyp, júzdegen úı qırap qaldy. Mamandar qurban bolǵandardyń sany áli artatynyn aıtýda. Tipti olar bul kórsetkishtiń kem degende 8 000-ǵa deıin jetýi múmkin ekenin nazarǵa aldy. Qazir álemniń birqatar elinen Nepalǵa gýmanıtarlyq kómekter jiberilýde. Talǵat Raıymbek. Derek, sýret: dni.ru.