Elbasyn saılaýdaǵy jeńisimen shet elderdiń basshylary quttyqtaýda

ASTANA. 27 sáýir. Prezıdenttik saılaýda aıqyn jeńiske jetken Nursultan Nazarbaevty birqatar shet memleketterdiń kóshbasshylary telefon arqyly quttyqtady. Bul týraly akorda.kz habarlady. Naqty aıtar bolsaq, Memleket basshysy Reseı Federasııasynyń Prezıdenti Vladımır Pýtınmen telefon arqyly sóılesti. Áńgime barysynda Vladımır Pýtın Nursultan Nazarbaevty prezıdenttik saılaýdaǵy jeńisimen quttyqtady. Memleketter basshylary ekijaqty yntymaqtastyqtyń keń aýqymdy máseleleri men Uly Otan soǵysyndaǵy Jeńistiń 70 jyldyǵyn merekeleý qarsańynda Máskeýde bolatyn kezdesý jóninde pikir almasty. Telefon arqyly sóılesýge Reseı jaǵy bastamashylyq etti. Sonymen qatar, Elbasy Belarýs Respýblıkasynyń prezıdenti Aleksandr Lýkashenkomen telefon arqyly sóılesti. Belarýs basshysy da Nursultan Nazarbaevty prezıdenttik saılaýdaǵy jeńisimen quttyqtady. Memleketter basshylary ekijaqty yntymaqtastyqtyń keń aýqymdy máseleleri men Uly Otan soǵysyndaǵy Jeńistiń 70 jyldyǵyn merekeleý qarsańynda Máskeýde bolatyn kezdesý jóninde pikir almasty. Telefon arqyly sóılesýge Belarýs jaǵy bastamashylyq etti. Odan bólek, Memleket basshysy Ábý-Dabıdiń Murager hanzadasy, Birikken Arab Ámirlikteri Qarýly kúshteriniń Joǵarǵy bas qolbasshysynyń orynbasary sheıh Muhammed ben Zaıd Ál Nahaıanmen telefon arqyly sóılesti Ábý-Dabıdiń Murager hanzadasy Elbasyn prezıdenttik saılaýdaǵy jeńisimen quttyqtady jáne Qazaqstandy ilgeriletý men órkendetýge baǵyttalǵan aýqymdy reformalardyń tabysty júzege asyrylatynyna senim bildirdi. Áńgime barysynda taraptar saýda-ekonomıkalyq, ınvestısııalyq jáne mádenı-gýmanıtarlyq salalardaǵy ekijaqty yntymaqtastyqty odan ári nyǵaıtý sharalaryn talqylady. Sonymen qatar, Nursultan Nazarbaev pen Muhammed ben Zaıd Ál Nahaıan óńirlik jáne halyqaralyq kún tártibindegi negizgi jaıttar jóninde pikir almasty. Sondaı-aq, Serbııa Prezıdenti Tomıslav Nıkolıch te Elbasyn telefon arqyly saılaýdaǵy jeńisimen quttyqtady. Qazaqstan Prezıdenti Serbııanyń EQYU-daǵy tóraǵalyǵy Ýkraınadaǵy daǵdarysty retteýge jáne Uıymǵa múshe elderdiń syndarly dıalogyn damytýǵa qyzmet etedi dep úmittenetinin jetkizdi. Memleketter basshylary Qazaqstan men Serbııanyń dostyq qarym-qatynastaryn odan ári nyǵaıtý baǵytyndaǵy birlesken jumysqa daıyn ekendikterin aıtty. Telefon arqyly sóılesýge Serbııa jaǵy bastamashy boldy. Memleket basshysy Ázerbaıjan Respýblıkasynyń Prezıdenti Ilham Álıevpen de telefon arqyly sóılesti. Ilham Álıev Nursultan Nazarbaevty 26 sáýirde ótken Qazaqstan Respýblıkasy Prezıdentiniń saılaýyndaǵy jeńisimen quttyqtady. Sondaı-aq, memleketter basshylary ekijaqty yntymaqtastyqtyń ózekti máseleleri men Astrahan qalasynda 2014 jylǵy 29 qyrkúıekte ótken Kaspıı mańy memleketteriniń tórtinshi sammıtindegi kezdesýde jasalǵan ýaǵdalastyqtardyń júzege asyrylý barysyn talqylady. Telefon arqyly sóılesýge Ázerbaıjan jaǵy bastamashylyq etti. Odan keıin Memleket basshysy Vengrııa Premer-Mınıstri Vıktor Orbanmen telefon arqyly sóılesti. Vıktor Orban Nursultan Nazarbaevty prezıdenttik saılaýdaǵy aıqyn jeńisimen quttyqtady jáne Qazaqstan halqynyń aldynda turǵan aýqymdy reformalardy tabysty júzege asyrýǵa tilestik bildirdi. Sondaı-aq, Vengrııa Premer-Mınıstriniń Qazaqstanǵa sáýirde jasaǵan saparynyń qorytyndylaryn eskere otyryp, ekijaqty qarym-qatynastardyń keleshegi talqylandy. Telefon arqyly sóılesýge Vengrııa jaǵy bastamashylyq etti. Elaman Qońyr. Derek, sýret: akorda.kz.