Kitaphanadaǵy mýzeı

Mundaı kádesyı kitaptardyń qa­ta­rynda Álisher Naýaıdyń «Farhad-Shyryn» dastany, Anton Chehovtyń áńgimeler jınaǵy da bar.

Murajaıdaǵy eń qundy jádigerdiń biri – Abaıdyń 1945 jyly Máskeýde Muhtar Áýezovtiń alǵysózimen orys tilinde jaryq kórgen tań­damaly shyǵarmalar jınaǵy. Bul kitapqa uly aqynnyń qyryq shaqty óleńi men «Masǵut», «Eskendir», «Ázim áńgimesi» poemalary, qara sózderi men dana sózderi engen.

Mýzeıdiń bir bu­ryshyn álem ádebıeti jaýhar­la­rynyń túpnusqasynan dálme-dál kó­shirilgen reprıntti ba­sy­lymdar, aǵylshyn, nemis, fransýz, tatar tilin­degi kitaptar, kóne ensı­klo­­pe­dııalyq sózdikter tolyqtyryp tur. Al ólke­tanýǵa arnalǵan bólimge To­byl-Torǵaı óńirinde týǵan belgili qalamgerlerdiń shy­ǵar­ma­lary qoıylǵan. Mýzeı­de ár kezderi Qostanaıǵa at basyn tiregen kórnekti ja­zýshylardyń qoltańbasy qalǵan kitaptar da barshylyq.

«Qatelespesem, 1994 jyly Qostanaıǵa Shyńǵys Aıtmatov keldi. Osy jerde úlken kezdesý ótti. Shy­ǵarmashylyq keshten keıin uly jazýshy bizge óziniń «Borandy beket», «Janpıda» romandary engen jınaǵyn tartý etip, kitaptyń ishki mu­qabasyna qoltańba jazyp berdi. Kórnekti aqyn Márııam Hákimjanovanyń qoltańbasy bar kitap ta mýzeıdiń qundy já­digerleriniń qatarynda tur. Al myna ensıklopedııalyq sózdik 1890 jyly basylyp shyqqan. Mynaý – 1805 jyly shyqqan orys tili oqýlyǵy. Uly klas­sık­ter­diń kózi tirisinde ja­ryq kórgen kitaptar da bar. My­saly, Vıktor Gıýgonyń «Pa­rıj Qudaı-anasynyń ǵıbadathanasy» atty my­na kitaby jazýshy­nyń kózi tirisinde basylyp shyq­qan. Bul ki­taptar, kem degende, osydan eki ǵasyr buryn jaryqqa shyqqan. Kóne ki­taptarǵa res­tavrasııa jasaý óte qymbatqa túsedi. Bizde ondaı múmkindik joq. Sondyqtan mýzeı jádigerlerin qolmen ustaýǵa ruqsat etpeımiz», deı­di oblys­tyq kitaphana ishin­degi ólketaný ádebıeti bó­liminiń mamany Svetlana Qa­bıeva.

Qostanaı oblysy