foto ashyq derekkóz
Tergeý barysynda zaýyt ókilderiniń segiz adam zardap shekken oqıǵa ornyna qutqarýshylardy ótkizbegeni belgili bolǵan. Seriktestiktiń senimdi ókilderi bolǵan jaǵdaı týraly aqparatty der kezinde aıtpaı, TJD qyzmetkerlerin jarty saǵattan astam ýaqyt zaýyt aýmaǵyna kirgizbegen.
«Osy fakti boıynsha is qozǵalyp, sotqa joldandy. Sotta seriktestiktiń ókili taǵylǵan aıypty moıyndamady, «YDD CORPORATION» JShS-niń kináli ekendigi aıǵaqtarmen rastaldy», dep málimdedi Qaraǵandy qalasynyń Ákimshilik quqyqbuzýshylyqtar jónindegi mamandandyrylǵan aýdanaralyq sotynyń baspasóz qyzmeti.
Sotta atalǵan seriktestik ÁQBtK-niń 462-babynyń 1-bóligimen ákimshilik jaýapkershilikke tartylyp, osy baptyń sanksııa sheginde 200 AEK (738 400 teńge) mólsherinde ákimshilik aıyppul túrindegi jaza taǵaıyndaldy.
Sot qaýlysy zańdy kúshine engen joq.
