foto: Polisia.kz
Elektrondy shylymdy О́skemen qalasyndaǵy eki saýda úıi kalıan dúkenderinen jasyryn satqan. Birinshi dúkendi tintý kezinde 450-den astam elektrondy temeki, sondaı-aq veıpter men Pod júıelerine arnalǵan 10-nan astam suıyqtyq tabylǵan. Jedel ýákilder ekinshi dúkennen 115 elektrondy temeki tárkilegen.
«Shegilmeıtin temeki ónimderiniń aınalymy faktileri boıynsha sotqa deıingi tergeý bastaldy. Zańǵa sáıkes, kúdiktilerge 200 AEK-ke deıingi mólsherde aıyppul salynady, ne sol mólsherde túzetý jumystary júrgiziledi, ne 200 saǵatqa deıingi merzimge qoǵamdyq jumystarǵa tartylady, ne 50 táýlikke deıin qamaýǵa alynady», dep jazady Polisia.kz.
Polısııa departamenti bıyl 20 maýsymnan bastap Qazaqstanda shegilmeıtin temeki ónimderiniń, elektrondyq tutyný júıeleriniń (veıpterdiń), olar úshin hosh ıistendirgishter men suıyqtyqtardyń aınalymyna tyıym salynǵanyn jáne qylmystyq jaýapkershilik kózdelgenin eske salady.
