Tizgindi alǵash bop talaı talantty túletken Turar Rysqulov aýdany qolǵa aldy. Qulan aýylynda ornalasqan ortalyq saıabaq adam tanymastaı ózgergen. Kezinde qoqys shashylyp jatatyn aımaq jergilikti atqarýshy bıliktiń yqpalymen ýaqyt talabyna saı jańǵyrypty. Bir sózben aıtqanda, toz-tozy shyqqan saıabaq janǵa jaıly saıaly mekenge aınalǵan.
Munda uıymdastyrylǵan aýylsharýashylyq ónimderiniń jármeńkesi, sporttyq oıyndardan ótken túrli jarystar kópshiliktiń kóńilinen shyqty. Sondaı-aq túrli baǵyttaǵy taqyryptyq kórmelerdi qyzyǵa tamashalaýshylardyń da qarasy kóp boldy.
Týǵan jerge at basyn burǵan óner juldyzdary kompozıtor Gúlnur О́mirbaeva, ánshiler Dosymjan Tańatarov pen «Jiger» tobynyń jigitteri, ózge ánshiler qatysqan konserttik baǵdarlama da sátti uıymdastyryldy.
Esimi elge belgili teatr jáne kıno akterleri Baqytjan Álpeıisov, Jandarbek Sadyrbaev, Jalǵas Tolǵanbaı bastaǵan óner sańlaqtarynyń estelikteri de jergilikti turǵyndardy qyzyqtyrǵany anyq. Qysqasy, dástúr men salt dáriptelgen is-shara kópshiliktiń kóńilin sergitti.
Bul kúni Aqyrtóbe aýylynda «Aýyl el – besigi» jobasy aıasynda boı̆ kótergen 140 oryndyq mádenıet úı̆i paıdalanýǵa berildi. 100-den asa turǵyn jınalǵan is-sharada aýyl tarıhy tanystyrylyp, retro ánder shyrqaldy.
Keıinnen «Mádenıet – asyl qazynam» taqyrybyndaǵy mádenı is-shara shejireli Shý aýdanynda ótkizildi. Oǵan aýdannan shyqqan belgili óner sańlaqtary qatysty.
Jambyl oblysy
