Foto: Ashyq derekkóz
«2024 jyldyń 16 qyrkúıeginde Almaty, túnde О́skemen, Rıdder qalalarynda aýa shekten tys lastanady dep kútiledi», delingen habarlamada.
Sınoptıkter Qazaqstan aýmaǵyndaǵy sınoptıkalyq jaǵdaı men qaýipti aýa raıy qubylystary boıynsha boljamyn usyndy.
«Qazaqstannyń soltústiginde, soltústik-batysynda, shyǵysynda jáne ortalyǵynda frontaldy bólikterdiń áserinen jańbyr jaýyp, naızaǵaı oınaıdy. Respýblıka boıynsha jel kúsheıedi, ońtústikte shańdy daýyl soǵady, soltústikte, shyǵysta, ortalyqta jáne ońtústik-shyǵystyń taýly aımaqtarynda túngi jáne tańǵy ýaqyttarda tuman kútiledi», dep habarlady meteorologtar.
Sonymen qatar Abaı aýdanynyń ortalyǵynda, Shyǵys Qazaqstan, Soltústik Qazaqstan, Aqmola oblystarynyń soltústiginde jáne Jetisý oblysynyń taýly aımaqtarynda 1-2 gradýs aıaz kútiledi.
