Belsendi áreket kezeńi

Ár taraýy búkil álemde geo­­saıası jaǵdaı ýshyǵyp, el ishi túrli saıası, qoǵamdyq jań­ǵyrýdy bastan keship jatqan almaǵaıyp kezeńde qalyń bu­qaranyń reformalarǵa artyp otyrǵan múddesi men úmitin, kóz­deıtin maqsattaryn sara­lap kórsetip berdi. Basym mańyz­dylyǵy jaǵynan berik tártipke keltirilip, ońtaıly júıelengen baǵdarlama barsha halyqtyń qajyr-qaıratyn ortaq maqsatqa jumyldyra alatyn strategııa men taktıka qyzmetin atqaratyn qujat retinde qabyldandy.

Qazirde qoǵam tarapy­nan qyzý talqylanyp, qapy­syz qoldaý taýyp jatqan qu­jattyń qomaqty bóligi, ádet­tegideı, áleýmettik másele­lerdi sheshý joldaryna ar­nal­dy. Ult saýlyǵyn nyǵaı­tý úshin keshendi sharalardy qolǵa alyp, halyqty áleý­mettik qoldaý júıesin jań­ǵyr­tý kerektigi basa aıtyldy. «Turaqty áleýmettik-ekono­mıkalyq órleýdi qamta­ma­syz etý, azamattardyń jasam­pazdyq áleýetin tolyq ashý jáne halyqtyń ál-aýqatyn arttyrý – memlekettiń mańyzdy mindeti» ekeni atap ótildi.

Keıingi jyldary tur­ǵyndar­dyń turmys-tirshili­gin jaqsar­týǵa septigi tıetin kóptegen shara qaıta qaralyp, qaýyrt qol­ǵa alynyp jatyr. Memleket áleýmettik shy­ǵystardy bir­tindep ulǵaıtyp keledi. Qazir bıýdjettiń jartysynan kóbi áleýmettik sala­ǵ­a jumsalady. «Aýyl ama­na­ty», «Jer amanaty» syn­dy aýqymdy jobalar tyńǵy­lyqty, tabandy júzege asyrylyp jatyr. Sondaı-aq áleý­mettik-ekonomı­kalyq baǵytta órkendi ózgerister keń qanat jaıyp keledi.

Álbette, Prezıdent aıtqan­daı, ekonomıka ósken saıyn áleýmettik teńsizdik azaıyp, orta tap kúsheıe túsedi. Sonda ǵana elimizdiń áleýeti artady. Ol úshin kez kelgen istiń basty ólshemi tıimdilik bolýǵa tıis. Iаǵnı árbir sheshim, árbir joba, eń aldymen, elge paıdaly bolýy qajet.

Baǵdarlamalardyń qaı-qaı­sy­sy bolsyn áleýmettik máse­lelerdi jańa qarjylaı kómek, qoldaýlar oılap tabý emes, jap­paı kásipkerlikti da­mytý jolymen sheshýge ne­gizdelgen. Shaǵyn jáne orta kásipkerlikti damytý baǵy­tyndaǵy tyń bastamalardy oıdaǵydaı júzege asyra al­saq, azamattardy ju­mys­­pen qamtamasyz etýde de, otba­sylardyń ál-aýqatyn arttyrýda da, áleýmettik salany birjola durys jolǵa qoıýda da jyldam jetistikterge qol jetki­ze­tinimiz kúmán týdyrmasa kerek. Qandaı problemany da saıası talappen emes, áleýmettik belsendi áreketpen ǵana eńsere alamyz.

Reformalar áleýmetke, qoǵamǵa, adamǵa basa kóńil bólip, eldiń árbir turǵynyna qalypty jumys, paıdaly is taýyp berip, áleýmettik qorǵaýdy jan-jaqty qoldaýdy jalǵastyra beredi. Ádiletti qoǵam ornatý úshin áleýetti ekonomıka kerek. Al ol jalqynyń emes, jalpynyń erik-jigeri, kúsh-qýatymen júzege asady.

Joldaýdaǵy júrek jy­lytqan jaǵymdy bir jańalyq keler jyldyń Jumysshy ma­mandyqtar jyly dep jarııalanýy boldy. Kezinde erekshe qasterlenetin, kúsh-qaıraty men eńbekke epsektigine arqa súıeıtin beınetkesh qaýymnyń keıingi jyldary qadiri qashyp, bedeli túsip ketkeni belgili. Endi sol barsha ıgilikti qu­rysh qoldarymen jasap jat­qan mamandyq ıelerine jan-jaqty nazar aýdarylady. Tipti zańnamaǵa áleý­mettik mańyzy bar qyz­metter degen uǵym engizil­mek­shi jáne ol memlekettik qyz­met kórsetý úderisi sııaq­ty rettelip otyrmaqshy. Son­daı-aq birqatar mamandyq ıesi­niń biliktiligin arttyrýǵa, áleý­mettik mártebesin kóterýge kóńil bólinedi, áleýmettik turǵy­dan osal azamattarǵa qol­daý kórsetiledi, turǵyndar áleýmet­tik baǵdarlamalarǵa bólinip jat­qan qarjy týraly shynaıy aqpa­rattan habardar bolyp otyrady.

Bir sózben, Memleket basshysy demokratııalyq el bı­leý­diń dástúrlerine júgine otyryp, elimizde órkenıet jolymen órge bastyrý úshin barsha buqara men árbir azamatty ortaq maqsatta, tize qosyp eńbek etýge shaqyratyn túrli bastamany ýaqtyly kóterip otyr. Keleshek kókjıegimizdiń qandaı ekenin, onyń qandaı joldarmen júzege asatynyn qalaı paıymdaıtynyn ashyq ortaǵa salyp, jurtshylyq kóńi­lindegi kóp kúlbilteli saýal­darǵa jaýap berdi. Esh nár­seni jasyryp qalmady, asy­ryp aıtpady. Endigi mindet – Prezıdent bas­tamalaryn qoldap, mejeli mindetterdi júzege asyrýǵa belsene atsalysý. Azamattyq qoǵamnyń kemeldigi de osyndaı syndarly qujatty qansha­lyqty uıymshyldyqpen, isker­likpen qoshtaǵanymyzǵa qarap anyq­talady.