Álem ǵalymdarynyń oń baǵasyn alyp úlgergen atalǵan kitap týraly jaqsy pikirler kóp. Sonyń biri professor Iаn Stıýarttiń «Mýzyka men fızıka arasyndaǵy tereń metaforalyq baılanystardy zertteýge oılandyratyn, yntalandyratyn óte erekshe zertteý eńbegi der edim. Oqyp shyǵýǵa keńes beremin» degeni de jaı pikir emes.
Rasynda, qazirgi zamanda fızıka men mýzyka arasyndaǵy úndestikti, ózara baılanysty tereń túsindirip beretin eńbekter kóp emes. Qazaq mýzykantynyń osy saladaǵy izdenisin búkil álem qýana qabyldap jatsa, budan artyq ne bar! Sizderge súıinshilep otyrǵan kitap Batys álemin tańǵaldyrǵan uly mýzykanttar Stokgaýzen men Keıdj shyǵarmalaryndaǵy Geızenbergtiń belgisizdik qaǵıdatynyń sımfonııalyq jańǵyryǵy ma degen uly suraqtarǵa erik beresiz. Qalaı desek te bul kitap osy úlken suraqtardy qoıyp qana qoımaıdy, sonymen qatar qazirgi fızıka men zamanaýı mýzyka arasyndaǵy alshaqtyqty ashatyn pánaralyq baılanystardy zertteı otyryp, óz jaýabyn, nátıjesin usynady. Avtordyń biregeı ádistemesi matematıka men fızıka tilin mýzykalyq tanymda túsindirýmen baılanystyra otyryp, tyń kózqarasyn bildiredi.
Tipti bul kitap fızıka men mýzykanyń shekarasynan attap, HH ǵasyrdaǵy zamanaýı fızıka men avangardtyq mýzykanyń tyǵyz baılanysyna úńiledi. Avtor san jyldyq zertteýler arqyly kvanttyq fızıka jáne salystyrmalylyq sııaqty revolıýsııalyq ıdeıalardyń ómirdiń barlyq aspektilerinde qalyptasqanyn, tipti tereńdeı tússek, qazirgi fızıka men zamanaýı mýzykanyń qarym-qatynasy tek kezdeısoqtyq emes, olardyń paıda bolýy men damýyn da úndestiretin baılanys bolǵanyn kórsetedi.
Ár memlekettegi ártúrli oqyrmandar men tájirıbeli sarapshylarǵa arnalǵan bul kitap anyqtyq pen stıldi saqtaýǵa talpynys jasaǵanyn ańǵaramyz. Jańashyl zertteý jumysyn zamanaýı fızıka men mýzyka arasyndaǵy baılanystardy zertteýmen ǵana shektelmeı, sonymen qatar ǵalymdar, mýzykanttar jáne osy salaǵa qyzyǵýshylyq tanytatyn aýdıtorııaǵa biregeı kópir qyzmetin atqarady.
Rahat-Bı Ábdisaǵın – úsh opera jáne 150-den astam mýzykalyq shyǵarmany ómirge ákelgen jańasha stıldegi mýzykant. Onyń sımfonııalyq shyǵarmalary Berlın fılarmonııasy, Karnegı Holl jáne Wiener Konzerthaus sııaqty áıgili halyqaralyq oryndarda qoıylǵan. Ol alǵashqy bilimin elimizdiń oqý sahnalarynda bastap, odan ary ıtalıandyq tanymal mýzykalyq oqý oryndarynda magıstrlik qorǵap, kompozısııanyń ozyq ádisterin meńgergen. Álemge tanymal kompozıtor Trıstan Mýraıl onyń kitabyn oqyǵan soń «Bul – tańǵajaıyp kitap» degen izgi tilegin bildiripti. Álemdi moıyndatsam degen armany bar qazaq balasynyń bul eńbegin biz de tańǵajaıyp kóńil kúıde qabyldadyq.
