Dastannyń dara álemi

Balasaǵun ortalyq konsert zalynda Kenen Ázirbaev atyndaǵy ob­lystyq fılarmonııaǵa qaras­ty «Alataý» folklorlyq an­sambli­niń kórkemdik jetekshisi Dastan Kóregenniń «О́mirimniń ózi – dastan» taqyrybynda shy­ǵarmashylyq keshi ótti. О́ner ıesiniń mereıtoılyq keshine elimizdiń ár qıyrynda júrgen belgili ónerpazdar, áriptesteri, baýyrlary, shákirtteri arnaıy kelip, Dastannyń dara álemine úńildi. Qoldaý bildirdi, qoshemet kórsetti.

Mazmundy shyǵarmalarmen ádiptelgen kesh barysynda Das­tannyń óner álemindegi árip­tesi, «Shanshar» ázil-syqaq teatry­nyń dırektory Ýálıbek Ábdiraıymov sóz alyp, óner ıesiniń bolmysy, shyǵar­ma­shylyq áleýeti týraly óz oıyn ortaǵa salyp, baýyrynyń me­reıin ósirdi. Sondaı-aq Qyr­ǵyz Respýblıkasynyń belgili qobyzshysy Ásel Abylǵazıeva da izgi tilegin jetkizdi.

Dastannyń shyǵarmashylyq keshine Qyrǵyz Respýblıkasy-nan da mártebeli meımandar arnaıy kelip, ónerin ortaǵa saldy. Budan bólek, astanalyq «Qorqyt» etno-folklor toby, Túrkis­tan oblysynan kelgen «Aqsý» folklorlyq ansambli de sahna tórinde óner kórsetip, zalǵa jınalǵan ónersúıer qaýymnyń qoshemetine bólendi.

Zamanynda Almatydaǵy mem­lekettik konservatorııa myqty­larynan dáris alǵan Dastan Kóregen onda aǵa oqy­týshy retin­de eńbek etip, talaı darynnyń qa­na­tyn qataıt­ty. Alataý baý­raıyn­daǵy arý qalada júrip, ózi de shy­ǵar­mashylyq turǵydan ósti.

Birneshe óner ujymynda eńbek etken talant ıesi «Qazyna» folklorlyq ansambliniń qura­mynda júrip, Germanııa, Túr­kııa, Belgııa, Nıderland, Lıýk­sembýrg, BAÁ, Reseı, Ýkraına, О́zbekstan, Qyrǵyzstan se­kildi ózge de birneshe shet memlekette bolǵan eken. «Qa­zyna» men «Alataý» ansambl­derinde eń­bek ete júrip, birneshe ha­lyqaralyq festıvaldarda top jarǵan. Talaı myqt­ynyń batasyn alǵan.

Mádenıet qaıratkeri Aby­laıhan Ospanov, «Shanshar» ázil-syqaq teatrynyń dırektory Ýálıbek Ábdiraıymov, «Ala­taý» folklorlyq ansambli, mádenıet salasynyń úz­dik­teri Ońal Azamatova, Aıgúl Ma­qa­­shova jáne Aı­jan Qonar­bae­­vanyń jetek­shili­gimen «Aq­kerbez» bı ansambli, Mádına Ber­dııa­rova, Dınara Dıhanbaeva, Jan­saıa Sársenbaeva, Qyrǵyz Res­pýblıkasynan kelgen belgili qobyzshy Ásel Abylǵazıeva men Altynaı Korobaeva syndy sahna sheberleri óner kórsetken kesh kópshiliktiń qoshemetine bólendi. Al Núrken Áshirov pen Ásel Abylǵazıeva arasynda ótken kúı tartys kórermen delebesin qozdyrdy.

Kesh sońynda mereıtoı ıesi Dastan Kóregenge oblys­tyq kásipodaqtyń «Eńbek dańqy» medali, oblystyq máde­nıet jáne tilderdi damytý bas­qarmasynyń Alǵys haty tabys etildi. О́z kezeginde sóz alǵan Dastan Kóregen shyǵarma­shy­lyǵyna qurmet kórsetip jat­qan áriptesteri men ónersúıer qaýymǵa rızashylyǵyn jet­kizdi

TARAZ