foto Senattyń baspasóz qyzmeti
Atom energetıkasynyń artyqshylyǵy men Qazaqstandaǵy osy salany damytýdyń keleshegi kezdesýdiń negizgi taqyryby boldy. Senatorlar Qazaqstannyń ıadrolyq energetıkany damytýǵa áleýeti jetkilikti ekenin jáne ýrannyń mol qory men bilikti kadrlary bar ekenin atap ótti. Syrttan keletin elektr energııasyna táýeldiliktiń arta túsýi jáne tarıftiń kóterilýi tıimdi atom energııasynyń qajettigin kórsetedi.
«Kún saıyn jańa paıdaly jáne ozyq tehnologııalyq qurylǵylar, onyń ishinde avtomobılder men uıaly telefondar jasalady. Atom elektr stansalary da turaqty jóndeýden ótip otyrady. Úshinshi býynnan keıingi ıadrolyq reaktorlar ózderiniń tıimdiligin dáleldep úlgerdi jáne birqatar elderde sátti qoldanylyp keledi», dedi Naýryzbaı Baıqadamov.
Rýslan Rústemov óz kezeginde qurylys 5 jyldan 10 jylǵa deıin sozylatynyn jáne onyń barysynda kóptegen jumys oryndary ashylatynyn, ol elimizdiń áleýetin edáýir arttyratynyn atap ótti. Senatorlar sondaı-aq Almatydaǵy Iаdrolyq fızıka ınstıtýtynyń jumysy týraly aqparatpen bólisti jáne onyń mańyzdy ǵylymı jańalyqtary týraly aıtyp berdi.
