TRT
DATA HUB derekterine súıensek, jazda Túrkııa jaǵajaılarynda demalý baǵasy aıtarlyqtaı ósti. Maýsymnyń qorytyndysy boıynsha olar jyldyq mánde – 28,5 paıyzǵa, shildede – 35,5 paıyzǵa, tamyzda – 39,3 paıyzǵa kóterildi. Mundaı qymbatshylyq Qazaqstan azamattaryn toqtatpaǵan.
Jýyrda Túrkııanyń mádenıet jáne týrızm mınıstrligi elge kelgen sheteldikter týraly jańa statıstıka jarııalady. Maýsym-tamyz aralyǵynda Qazaqstan Respýblıkasynyń azamattary Túrkııaǵa 440,4 myń ret kirgen.
Qazirgi nátıje byltyrǵydan tek 7 paıyzǵa kóp emes, sonymen qatar 2014 jyldan bergi jaz aılary úshin eń joǵary nátıje boldy.
- Bul – elge kirý statıstıkasy. Sondyqtan qazaqstandyqtar Túrkııada qansha ýaqyt bolǵany jáne ne úshin barǵany belgisiz. Biraq 2022 jáne 2023 jyldardaǵy málimetter negizinde eń tanymal baǵyt Antalııa ekenin boljaı alamyz, – dep jazylǵan málimette.
