Foto: baq.kz
Kólik mınıstri Marat Qarabaevtyń aıtýynsha, búginde barlyq óńirde ortasha jóndeý jumystary júrgiziletin joldar anyqtalǵan.
«Memleket basshysy respýblıka boıynsha keminde 10 myń shaqyrym joldy qamtý úshin ortasha jóndeý baǵdarlamasyn keńeıtýdi tapsyrdy. Sapa – basty basymdyq. Barlyq óńirde ortasha jóndeý jumystary júrgiziletin joldar anyqtaldy. Mysaly, Shyǵys Qazaqstan oblysyndaǵy ónerkásip ortalyqtaryna aparatyn joldar: ıaǵnı Altaıǵa, Shemonaıhaǵa, Serebrıanskqa aparatyn joldar jóndeledi. Sondaı-aq Marqakól, Rahmanov bulaǵy jáne Katonqaraǵaı týrıstik nysandaryna aparatyn joldar da jóndeýden ótedi», dedi mınıstr.
Sonymen qatar bıyldan bastap О́skemen men Semeı qalalaryn baılanystyratyn jolǵa ortasha jóndeý jumystary júrgizilip jatyr. Bul jol 2026 jylǵa deıin tolyq jóndeledi dep josparlanǵan. Mamandar qazirdiń ózinde birqatar ýchaskeni, atap aıtqanda Tavrıcheskoe aýyly men Novo-Azovskoe aýylyna burylys joldaryn jóndep jatyr, qalǵandary 2025-2026 jyldary qamtylmaq.
Sondaı-aq kelesi jyly Katonqaraǵaı aýdany men Marqakól óńirin baılanystyratyn Eski avstrııalyq joly ortasha jóndeýden ótedi dep josparlanǵan.
