Foto: Erlan Omar/Egemen Qazaqstan
Ortalyq referendým komıssııasy tóraǵasynyń orynbasary Konstantın Petrovtyń usynǵan málimetterine sáıkes, 2024 jylǵy 6 qazanda saǵat 7:00-degi jaǵdaı boıynsha óńirlerdegi barlyq 10 249 daýys berý ýchaskesinde daýys berý bastaldy.
84 saılaý ýchaskesinde aýmaqtyq komıssııalardyń sheshimderi boıynsha daýys berý tańǵy saǵat 6:00-de bastaldy. Tizimderge 12 mıllıon 244 myń 683 azamat engizilgen.
«Referendým ótkizýge barlyǵy 10 569 aýmaqtyq jáne ýchaskelik komıssııa, onyń quramynda 70 029 adam tartyldy. Respýblıka boıynsha barlyǵy daýys berýge arnalǵan 10323 ýchaske bar. QR shet memleketterdegi ókildikteri janynan álemniń 59 elinde daýys berý úshin 74 ýchaske quryldy», dedi ol.
Aıta keteıik, referendýmǵa 30 shet memleket pen 4 halyqaralyq uıymnan 177 baqylaýshy, sondaı-aq 37 elden 200 sheteldik jýrnalıst akkredıttelgen.
Barlyq daýys berý ýchaskesinde daýystardy qabyldaý bir ýaqytta – saǵat 20:00-de aıaqtalady. Daýys berý nátıjeleri 7 kún ishinde jarııalanady.
