foto ashyq derekkóz
Ortalyq aýmaqtyq referendým ýchaskesiniń málimdeýinshe Teńiz kenishindegi azamattar úshin jeti referendým pýnkti jasaqtalǵan. Kenishte 6 myńǵa jýyq jergilikti turǵyn men basqa da óńirlerden kelgen azamattar daýys berýge ótinish bildirgen.
О́ńirlik kommýnıkasııalar qyzmetiniń aıtýynsha «Embimunaıgaz» AQ qyzmetkerleri de referendýmǵa belsene qatysyp, tańdaýlaryn jasap jatyr.
«Referendýmǵa qatysý ár qazaqstandyqtyń boryshy. Urpaǵymyzdyń bolashaǵy úshin tańdaý jasaıtyn sátke kelip turmyz. Mekemede 5 myń adam jumys isteıdi, qazir aýysymdyq ádispen 1664 adam óndiris basynda qyzmette júr. Olardyń daýys berýi úshin barlyq jaǵdaı jasalǵan. Sondaı-aq, 1700-ge jýyq merdiger mekeme ókiline de múmkindik qarastyrdyq», dedi Departament dırektory B. Gýbaıdýllın.
Oblysta 274 referendým ýchaskeleri bar, olardyń 11-i azamattardyń ýaqytsha bolý oryndarynda qurylǵan (9 emdeý mekemeleri, 1 tergeý ızolıatory, 1 áskerı bólimshe). Atyraý oblysynda respýblıkalyq referendýmǵa qatysýǵa quqyǵy bar 411880 azamat tirkelgen.
