Foto: N.Baıbýlın
Senattyń baspasóz qyzmetiniń málim etýinshe, kezdesý barysynda Máýlen Áshimbaev Dúnıejúzilik ıslam lıgasy Sezd maqsattaryna qol jetkizýge eleýli úles qosqanyn atap ótip, meımanǵa Hatshylyqtyń XXII otyrysyna qatysqany úshin rızashylyǵyn bildirdi. Sondaı-aq ol Dúnıejúzilik ıslam lıgasynyń Bas hatshysy doktor Muhammed ben Abdel Karım Ál-Isanyń Álemdik jáne dástúrli dinder lıderleriniń VII sezinde sóılegen sózi Forýmnyń bedelin arttyra túskenin tilge tıek etti.
Sonymen qatar taraptar Sezdi damytýdyń 2023-2033 jyldarǵa arnalǵan tujyrymdamasyn iske asyrý aıasyndaǵy mindetterge toqtaldy. Atap aıtqanda, qujat aıasyndaǵy birlesken jumystyń basym baǵyttary jáne kelesi jyly «Dinder dıalogy: bolashaq jolyndaǵy sınergııa» taqyrybymen ótetin VIII Sezge qatysty máseleler sóz boldy.
О́z kezeginde mártebeli meıman Sezd Hatshylyǵynyń basshysy Máýlen Áshimbaevqa aýqymdy is-sharaǵa shaqyrǵany úshin alǵys bildirip, Forýmnyń álemdik qoǵamdastyqtaǵy mańyzy zor ekenin aıtty. Odan bólek, Dúnıejúzilik ıslam lıgasynyń arnaıy ókili álemde beıbitshilikti, qaýipsizdik pen turaqtylyqty qamtamasyz etý jolyndaǵy ózara is-qımyldy nyǵaıtýǵa múddeli ekenin tanytty.
