Foto: K.Baranov
Konferensııa barysynda «Alpamys batyr» jyrynyń qazaq, orys jáne aǵylshyn tilderindegi basylymy tanystyrylady. Sonymen qatar Túrki halyqtaryna ortaq mura retinde osy jyrdy IýNESKO kóleminde Materıaldyq emes mádenı mura tizimine engizý jónindegi másele talqylanady.
Sharaǵa Túrkııa, Ázirbaıjan, Reseı (Ýfa, Qazan, Novosıbırsk), Qyrǵyzstan, О́zbekstan elderiniń jáne Qazaqstannyń tanymal epostanýshy ǵalymdary qatysyp, tómendegi taqyryptar boıynsha baıandama jasaıdy:
- «Alpamys batyr» jyrynyń ulttyq jáne álemdik keńistiktegi tarıhı-mádenı jáne ǵylymı mańyzy;
- Epıkalyq týyndylardaǵy álemniń semıotıkalyq jáne tildik beınesi; Epıkalyq dástúr jáne jyrshylyq óner: ótkeni men búgini;
- «Alpamys batyr» jyryn zertteýdiń pánaralyq túrli aspektileri; «Alpamys batyr» jyrynyń túrkilik nusqalarynyń erekshelikteri;
- Folklorlyq mura jáne qazirgi zaman.
Konferensııaǵa qatysýǵa elimizdiń jáne shetel ǵalymdary, epostanýshylar, folklortanýshylar, tiltanýshylar, ádebıettanýshylar, tarıhshylar, ónertanýshylar, fılosoftar, mádenıettanýshylar, joǵary oqý oryndarynyń oqytýshylary shaqyrylady.
Konferensııa Almaty q., Qurmanǵazy kóshesi, 40 Dostyq úıinde ótedi.
Bastalýy: saǵat 10:00
Uıymdastyrý komıtetimen : +7 7759890212 telefonymen habarlasýǵa bolady
