Qazaqstannyń eńbek sińirgen qaıratkeri, «Otan», «Qurmet» ordenderiniń ıegeri, Batys Qazaqstan oblysynyń qurmetti azamaty Aqushtap Baqtygereıqyzynyń 80 jyldyq mereıtoıy óńirde keshendi sharalar aıasynda ótip jatyr.
«Búgingi músháıra Aq Jaıyqtyń aq shaǵalasy atanǵan Aqushtap apamyzdyń shyǵarmashylyǵyn jan-jaqty nasıhattaý, kitap oqý mádenıetin qalyptastyrý maqsatyndauıymdastyrylǵan edi. Músháıraǵa onnyń ústinde aqyn qyzdardyń óleńi tústi. Sonyń ishinen tórt aqyndy iriktep, fınaldyq kezeńge shyǵardyq», deıdi qazylar alqasynyń tóraǵasy, Qazaqstan RespýblıkasyPrezıdenti janyndaǵy Ulttyq quryltaıdyń múshesi, jazýshy, «Oral óńiri» gazetiniń bas redaktory, Qazaqstan Jazýshylar odaǵynyń Batys Qazaqstan oblysyndaǵy ókili Baýyrjan Ǵubaıdýllın.
Jyr jarysyn ótkizýge oblystyq qoǵamdyq damý basqarmasy, oblystyq mádenıet, tilderdi damytý jáne arhıv isi basqarmasy qoldaý bildirse, uıymdastyrý jumystaryn Qadyr Myrza Áli atyndaǵy mádenıet jáne óner ortalyǵy, «Temir búrkit» jastar qoǵamdyq birlestigi, Qazaqstan Jazýshylar odaǵynyń Batys Qazaqstan oblysyndaǵy ókildigi atqarǵan.
Aqyndar sahnaǵa shyǵyp, áýeli mereıtoı ıesine arnalǵan shyǵarmalaryn, sosyn óz tańdaýy boıynsha bir óleń oqyp berdi. Qazylar alqasynyń sheshimimen oraldyq aqyn qyz Janerke Ǵınaıat músháıranyń jeńimpazy atandy. Ekinshi oryndy Aızada Baqytjanova ıelense, Qaratóbe aýdanynyń atynan shyqqan Gúlim Bolatjanova men Bókeı Ordasynan kelgen Gúlzada Jaýlybaeva úshinshi oryndy bólisti. Jeńimpazdardyń bárine aqshalaı syılyq sertıfıkaty berildi.
Keshte Qazaqstan Jazýshylar odaǵynyń músheleri, aqyn Ertaı Bımuhanov pen Márlen Ǵılymhan da sahnaǵa shyǵyp, jańa óleńderin ortaǵa saldy.
О́ńirde Aqushtap Baqtygereevanyń 80 jas mereıtoıyna oraı saltanatty is-sharalar shoǵyry jalǵasyp. 10 qazan kúni Terekti aýdanyna qarasty Aqjaıyq aýylynda, aqynnyń týǵan jerinde Ádebıetshiler úıi ashylsa, aýdan ortalyǵyTerekti aýylynda «Aq Jaıyqqa jyr arnaǵym keledi» atty shyǵarmashylyq kesh ótti.
Batys Qazaqstan oblysy
