Foto: Vıdeokrın. Kólik mınıstrligi
Kólik mınıstrliginiń málim etýinshe Qazaqstan mamandarynyń atalǵan is-sharaǵa qatysýy jolshylardyń halyqaralyq kásibı qoǵamdastyǵyna qosylǵanymen teń.
Aıta ketsek, atalǵan is-sharaǵa Qazaqstan alǵash ret qatysty. Jalpy oǵan Germanııa, Avstrııa, Fransııa, Belgııa, Slovakııa, Chehııa, Vengrııa, Slovenııa, Qazaqstan elderinen 26 top qatysqan. Elimizden qatysqandar: «Astana Tazalyq» JShS, «Operasııalar jáne ınvestısııalar» ÚAAAJ JShS jáne «QajServıs» JShS, ıaǵnı 3 top.
Atalǵan chempıonat eki jylda bir ret ótkiziledi. Chempıonat tájirıbe almasýǵa jáne joldarǵa qysqy qyzmet kórsetý salasyndaǵy úzdik tehnologııalardy kórsetýge birden-bir múmkindik beredi.
«Barlyq qatysýshylar daıyndyq pen kásibıliktiń joǵary deńgeıin rastaıtyn dıplomdar aldy. Bul qundy tájirıbe Qazaqstandaǵy joldardy qysqy kútip-ustaýdy jetildirý úshin paıdalanylatyny sózsiz», dep málimdedi Qazaqstan delegasııasynyń múshesi, PIARC Dúnıejúzilik jol qaýymdastyǵynyń Ulttyq komıtetiniń atqarýshy dırektory Dmıtrıı Bessonov.
