Ol bul kitapqa qalaı kiriskeni týraly aıta kele, «2012 jyly oqý ornymyzda Eýropa, Reseı jáne Eýrazııalyq zertteýler ınstıtýtynyń dırektory bolyp taǵaıyndaldym. Áne, sol kezde Qazaqstannyń mádenıetine, ásirese, kınosyna, qazaq mýzykasy men ádebıetine qyzyǵýshylyq tanyttym. Saıasattaný jáne tarıh salasyndaǵy áriptesterim keńestik, postkeńestik kezeńde Qazaqstandaǵy demokratııalandyrý, ulttyq biregeılik aspektileri boıynsha ǵylymı zertteýler jasady, sol baǵyt boıynsha jumys istedi. Al men 2017 jyly zertteý saparymen Almatyǵa baryp, Satybaldy Narymbetov, Dárejan О́mirbaev, Asanáli Áshimov syndy rejısser, akterlermen kezdesip, kitabyma qajetti materıaldar aldym», deıdi.
Tipti ol qazaq rejısserleri túsirgen qazirgi fılmderdi Vashıngtonda turyp ta qalt jibermeı kóretinin aıtty. Sońǵy ret Aldııar Baırakımov-tiń «Paralımpıadashy» fılmi, sonymen qatar jaqynda shyqqan «Sheker» sııaqty shaǵyn serıaldardy tamashalaǵanyn jetkizdi. Bizge ásirese onyń «Qyz Jibek» fılmi týraly aıtqan shynaıy baǵasy qatty áser etti. Onyń aıtýynsha, bul kıno qazaqtyń ulttyq mádenıetin tórtkúl dúnıege keńinen dáriptegen tuńǵysh fılm bolmaq.
