Bul týraly VITA Pavlodar izdeý jasaǵynyń eriktileri áleýmettik jelidegi paraqshasynda habarlady. Izdeýshilerdiń aıtýynsha, joǵalǵan 26 jastaǵy Aleksandr Fomınniń denesi Ýsolka shaǵyn aýdanyndaǵy qala turǵyndary kún saıyn serýendeıtin qaıyń toǵaıdyń janynan tabylǵan.
«Ol jerde kún saıyn júzdegen adam serýendeıdi, baıkerler júredi, jaqynda tipti jarystar da ótti. Ony kórýge bolatyn edi. Bul óte ókinishti... Biz ony uzaq ýaqyt boıy taba almadyq, ártúrli jolmen jumys jasap kórdik, jaqynda biz taǵy da josparlanǵan aýmaqty izdeýge shyqtyq. Toptarǵa bólinip, otyrǵyzylǵan aǵashtardyń janynan ótip bara jatyp, men bir daqty kórip qaldym, onyń ústinde jolaqtar boldy, jaqyndap qarasaq, ol Aleksandr bolyp shyqty», dedi «VITA Pavlodar qalasynyń izdeýshileriniń» basshysy Ekaterına Kýdrıavseva.
Pavlodar oblysy polısııa departamentiniń baspasóz qyzmeti joǵalǵan pavlodarlyqtyń óli tabylǵanyn rastady.
«Bul fakt boıynsha polısııa sotqa deıingi tergeý júrgizip jatyr», dep habarlady vedomstvonyń baspasóz qyzmeti.
