Foto: Vedomstvo. Telegram
Dzıýdo: Abý-Dabıde (BAÁ) Úlken dýlyǵa sanatyndaǵy týrnırde Qazaqstan quramasy úsh qola medal jeńip aldy. Atap aıtqanda, erler arasynda Dáýren Súıýkenov (60 kg), áıelder básekesinde Ábıba Ábýjaqynova (48 kg) jáne Nazgúl Maratova (+78 kg) úzdik úshtikten kórindi.
Dzıýdo: Aqtaýdaǵy «Halyq-arena» sport kesheninde ótken ashyq Azııa kýboginde Qazaqstan quramasy 12 altyn, 11 kúmis, 21 qola medal oljalady.
Akademııalyq eskek esý: О́zbekstannyń Samarqand qalasynda ótip jatqan Azııa chempıonatynyń alǵashqy eki kúninde Qazaqstan quramasynyń sportshylary 8 medal (2 kúmis, 6 qola) ıelendi.
Quzǵa órmeleý: Qytaıdyń Taıan qalasyndaǵy Azııa chempıonatynda Ámir Maımuratov pen Tamara Oljabaeva kúmis medal enshiledi.
Tennıs: Shymkent qalasynda ótken jasóspirimder arasyndaǵy Shymkent Open ITF Juniors týrnırinde álemdik reıtıngte 149-orynda turǵan Zańǵar Nurlanuly top jardy. Ol fınalda serbııalyq Nıkola Iovıchten (95 ITF Juniors) basym tústi – 7:5, 6:1. Bul – Zańǵardyń jekeleı synda ITF Juniors dodalaryndaǵy tórtinshi tıtýly. Budan buryn ol Izmırde (J100), Túrkııada (J30) jáne Trnavada (J30) jeńiske jetken edi.
Tennıs: Juptyq synda Qazaqstannyń birinshi, álemniń 31-raketkasy Anna Danılına Ýhan (Qytaı) WTA 1000 týrnıriniń chempıony atandy. Ol reseılik Irına Hromachevamen jup qurap, fınalda amerıkalyqtar – Djessıka Pegýla men Aısha Mýhammadty tize búktirdi – 6:3, 7:6 (8:6).
Grepplıng: Astanada grepplıngten uıymdastyrylǵan álem chempıonatynda ulttyq qurama 13 júldege (4 altyn, 4 kúmis, 5 qola) ıe boldy.
Karate: Italııanyń Venesııa-Ezolo qalasyndaǵy WKF karateden jasóspirimder men jastar (U21) arasyndaǵy álem chempıonatynda ulttyq qurama sportshylary 1 altyn, 1 kúmis, 2 qola medaldardy jeńip aldy.
