Foto: Qarmaqshy tańy
Shal aqyn aýdanynyń prokýratýrasy aǵymdaǵy jyldyń ótken kezeńinde qadaǵalaý aktisimen alıment tólemderi boıynsha 8,4 mln teńge jáne memleket kirisine 2,3 mln teńge bereshekti óndirdi.
Anyqtalǵandaı, QR-nyń «Ákimshilik quqyq buzýshylyq týraly» kodeksiniń 669-babyna sáıkes 3 qasaqana boryshker 5 táýlikke deıin ákimshilik qamaqqa alynǵan.
Sonymen qatar, 2 boryshker Qylmystyq kodeksiniń 139,430-baptary boıynsha qylmystyq jaýapkershilikke tartylǵan.
«Kámeletke tolmaǵan balany asyraý boıynsha alımenttik mindettemelerin 7 aıdan astam oryndamaý saldarynan 2,6 mln teńge qaryzy bar boryshker «S»-ǵa Shal aqyn aýdandyq sotynyń 06.05.2024 j. úkimimen QK-niń 139-baby boıynsha 1 jylǵa bas bostandyǵyn shekteý jazasy taǵaıyndaldy», delingen habarlamada.
Basqa jaǵdaıda, zańdy kúshine engen sot sheshimin 6 aıdan astam oryndamaǵany úshin boryshker «A» QK-niń 430-baby boıynsha 1 jyl 6 aı bas bostandyǵyn shekteý túrindegi qylmystyq jaýapkershilikke tartylǵan.
Aýdan prokýratýrasy balalarynyń alımentterin, memleket aldyndaǵy bereshekterin der kezinde tóleý kerek ekenin eske saldy.
