foto ashyq derekkóz
73 jastaǵy zeınetker 2000-2021 jyldar aralyǵynda jasy boıynsha zeınetaqy alǵan. Zeınetaqy tólemderin taǵaıyndaý kezinde tótenshe radıasııalyq qaýipti aımaqta turatyny týraly Semeı oblysy Besqaraǵaı aýdanynyń muraǵatynan anyqtama bergen.
2021 jyly ýákiletti organnyń tekserýi kezinde onyń tótenshe radıasııalyq qaýipti aımaqta turýy týraly aqparat ishinara rastaldy. Kóbeıtilgen zeınetaqyny zańsyz alý faktisine silteme jasaı otyryp, oǵan artyq tólengen 13 mıllıon teńgeden astam somany belgileı otyryp, zeınetaqy mólsheri qaıta esepteldi. 2021 jylǵy 15 shildede zeınetkerge artyq tólengen somany qaıtarý týraly talap-habarlama jáne quqyǵynyń joqtyǵyna baılanysty zeınetaqy tólemderinen bas tartý týraly sheshim, sondaı-aq jalpy negizde zeınetaqy taǵaıyndaý týraly ótinish tapsyrylǵan.
2021 jyldyń 16 shildesinde zeınetker qaıtys bolǵan.Eńbek jáne halyqty áleýmettik qorǵaý mınıstrligi murager retinde jesir áıelden artyq tólengen zeınetaqynyń 13 mıllıon teńgeden astamyn óndirý týraly sotqa shaǵym túsirgen.
Ýákiletti organnyń pikirinshe, zeınetkerdiń áreketi negizsiz baıýǵa ákep soǵady jáne murager mura qaldyrýshynyń mindetteri boıynsha jaýap berýi tıis.
Birinshi satydaǵy sot talap qoıýdy qanaǵattandyrýdan bas tartty, apellıasııa mınıstrliktiń talabyn qanaǵattandyryp, bul sheshimniń kúshin joıǵan.
Joǵarǵy Sottyń azamattyq ister jónindegi sot alqasy isti qaraı otyryp, mynany kórsetti:
- zeınetker asa radıasııalyq qaýipti aımaqta turatynyn rastaıtyn muraǵattyq anyqtamany usynǵan;
- keıinnen muraǵattyq málimetter ishinara rastalmasa, biraq jalǵan málimetter berýde zeınetkerdiń kinási anyqtalmasa, muraǵattyq anyqtamalar memlekettik muraǵatpen qamtamasyz etildi jáne zeınetaqy taǵaıyndalǵanǵa deıin talap qoıýshymen tekserildi;
- Azamattyq kodekske sáıkes, azamatqa onyń tarapynan aramdyq bolmaǵan jaǵdaıda, kúnkóris quraly retinde berilgen aqsha somasy, onyń ishinde zeınetaqy qaıtarýǵa jatpaıdy;
- apellıasııa jesir áıelge artyq tólengen zeınetaqyny óteý mindetin negizsiz júktegen.
Joǵarǵy Sot, eger mura qaldyrýshynyń zalal keltirýdegi kinási anyqtalmasa, muragerler onyń mindettemeleri boıynsha jaýap berýge mindetti emestigin kórsete otyryp, birinshi satydaǵy sottyń sheshimin ózgerissiz qaldyrdy.
