Platforma – geologııalyq jáne taý-ken prosesterin sıfrlandyrýdyń jańa kezeńi, ol paıdalanýshylar úshin memlekettik derektermen jáne qyzmettermen jumys isteý úderisin ashyq etip, onyń jeńildigin arttyrady.
Jańa platformada keıbir memlekettik qyzmetter qoljetimdi bolady. Ol jer asty sýlaryn, emdik balshyqty jáne qatty paıdaly qazbalardy barlaýǵa, óndirýge nemese birlesken barlaý men óndirýge jer qoınaýyn paıdalaný quqyǵyn kepilge berý shartyn; keń taralǵan paıdaly qazbalardy barlaýǵa jáne óndirýge jer qoınaýyn paıdalaný quqyǵyn kepilge berý shartyn tirkeý; qatty paıdaly qazbalardy óńdeýge kelisim; jer qoınaýyn paıdalanýǵa arnalǵan kelisimshartqa ózgerister engizýge jáne jer qoınaýy ýchaskesin transformasııalaýǵa ótinim berýge qosymsha kelisim jasasý.
Budan basqa, joıý qoryn paıdalanýǵa ruqsat; barlaý alańynda myń tekshe metrden asatyn kólemde taý-ken massasyn alýǵa jáne/nemese topyraqty jyljytýǵa ruqsat; jer qoınaýyn paıdalanýǵa arnalǵan kelisimshart negizinde týyndaıtyn jer qoınaýyn paıdalaný quqyǵyn (jer qoınaýyn paıdalaný quqyǵyndaǵy úlesti) berýge ruqsat berý; qatty paıdaly qazbalardy barlaýǵa nemese óndirýge arnalǵan lısenzııalar, sondaı-aq jer qoınaýyn paıdalaný quqyǵymen baılanysty obektilerdi berý; barlaýǵa, qatty paıdaly qazbalardy óndirýge, keń taralǵan paıdaly qazbalardy óndirýge lısenzııalar, barlaý jáne jer qoınaýyn paıdalanýdyń lısenzııalyq rejımine kóshý sheńberinde lısenzııalar berý sekildi qyzmetter de usynylady.
Aıta keteıik, lısenzııalaý máseleleri boıynsha qosymsha aqparat alý úshin – 87019991382, sharttar boıynsha – 87056503487, LKSh esepteri boıynsha – 87081882575 nómirlerine habarlasýǵa bolady.
