Digital Rights Rating jobasy 2023 jyly kompanııalardyń saıasattary men tájirıbelerine táýelsiz zertteý júrgizý úshin bastalǵan edi. Zertteý barysynda kompanııalardyń jeke ónimderi men qyzmetteri, sonyń ishinde mobıldi qurylǵylardyń ekojúıeleri de baǵalanady. Mundaı zertteýler bir jaǵynan memlekettik mekemelermen qarym-qatynas konteksindegi aqparatty ashýǵa, adamnyń sıfrlyq quqyqtaryn qorǵaý standarttaryn saqtaýǵa, sondaı-aq paıdalanýshylardyń aqparattyq bostandyǵy men jeke basynyń qupııalylyǵyn qamtamasyz etý maqsatynda sharalar qabyldaýǵa baǵyttalǵan.
Jyl saıyn sıfrlyq quqyqtardy saqtaý reıtıngisin Digital Rights Center Qazaqstan (DRCQ) zańdyq fırmasynyń sarapshylary atqarady.
Sonymen 2024 jylǵy Qazaqstandaǵy sıfrlyq quqyqtardy saqtaý reıtıngisinde Freedom Bank – «Privacy Sompliance» nomınasııasyna ıe bola otyryp, FinTech sektoryndaǵy úzdik kompanııa retinde tanylsa, Yandex GO dostavka – E-commerce sektoryndaǵy úzdik kompanııa, al Kcell/Active – Telecom sektoryndaǵy úzdik kompanııa atandy.
Zertteý saýaldary «Korporatıvtik basqarý», «О́zin ózi tanytý jáne aqparat bostandyǵy», «Qupııalylyq» ındıkatorlary boıynsha toptastyrylǵan.
«Ranking Digital Rights ındıkatorlary arqyly jáne joǵaryda atalǵan usynystardy saqtaı otyryp baǵalanǵan kompanııalar óz qyzmetterin otandyq digital-naryǵynda ǵana emes, halyqaralyq deńgeıde de usynýǵa jol ashyp, bedeli arta túsedi. Reıtıng kompanııalarǵa korporatıvtik jaýapkershiliktiń kelesi satysyna ótýine, paıdalanýshylardyń sıfrlyq quqyqtaryn saqtaý men qorǵaý deńgeıin arttyrý úshin qandaı qosymsha kúsh salý kerektigin túsinýge múmkindik beredi», deıdi DRCQ zańı fırmasynyń dırektory Rýslan Daıyrbekov.
Uıymdastyrýshylar zertteý barysynda kompanııalardyń adam quqyqtaryn saqtaý jónindegi qoǵamdyq ustanymy men saıasatyn zertteý úshin resmı veb-saıttaryn, bas kompanııalardyń/kompanııalar tobynyń veb-resýrstaryn qarastyrǵan.
Mundaı reıtıngterdi júrgizý – zertteletin kompanııalar úshin paıdalanýshylardyń sıfrlyq quqyqtaryn qorǵaýda halyqaralyq standarttardy saqtaýdyń naqty qadamdary desek te bolady.
«Sıfrlyq qyzmetterdi damytý, derekterdiń úlken kólemin paıdalaný arqyly biz klıenttiń bankpen qarym-qatynasyn edáýir jeńildetemiz. Bul rette biz derekterdiń úlken legin óńdeý kezinde olardyń qaýipsiz saqtalýyn qamtamasyz etý bizdiń basty mindetimiz ekenin túsinemiz. Qupııalylyqtyń joǵary deńgeıin saqtaý úshin qomaqty qarjylyq jáne adamı resýrstardy salyp, sıfrlyq quqyqtardy saqtaý salasyndaǵy halyqaralyq standarttaryn ustanamyz. Freedom Bank kompanııasynyń FinTech sektoryndaǵy Privacy Sompliance salasynda úzdik kompanııasy retinde moıyndalýy bizdiń ashyqtyǵymyz ben qoldanýshylardyń quqyqtaryn qorǵaýǵa degen umtylysymyzdy kórsetedi», dep atap ótti Freedom Bank Dırektorlar keńesiniń múshesi Aıdos Jumaǵulov.
ALMATY
