Aqmola oblysy 300 tonnadan astam jańa ónimderdi, atap aıtqanda et, sút, kókónis jáne jarma ónimderin usynady. Onyń ishinde «Gormolzavod», «Rodına», «Makınsk qus fabrıkasy», «Bıjan», «Qazger qus» sııaqty iri jergilikti óndirýshilerden jáne t.b. bar.
Qostanaı oblysynan 402 tonna ónim, onyń ishinde 52 tonna et, 95 tonna kókónis jáne 40 tonna un, sonymen qatar brendteri respýblıkaǵa jáne odan tys jerlerge tanymal kásiporyndardan sút jáne kondıterlik ónimder ákelinedi. Bul «Mılh», «DEP», «Baıan sulý», «Bekırov» jáne t.b.
Ulytaý óńiri 70 tonna et, kókónis jáne sút ónimderin jetkizedi.
Elorda turǵyndary men qonaqtary fermerlerden tikeleı ónim alyp qana qoımaı, qatysýshy óńirler ónerpazdarynyń qatysýymen ótetin konserttik baǵdarlamany tamashalaıdy. Jármeńke saǵat 9:00-den 18:00-ge deıin jumys isteıdi.
Aıta keteıik, jármeńke Qarqaraly tasjolyndaǵy «Qazanat» ıppodromyna qarama-qarsy jerde ótedi. Elorda turǵyndary men qonaqtaryna yńǵaıly bolý úshin jármeńke kezinde №18, 37, 303 jáne 323 avtobýstary jumys isteıdi.
