foto: Astana ákimdiginen
Astanada esirtki qylmysyna qarsy kúres salasyndaǵy azamattyq belsendilikti arttyrýǵa baǵyttalǵan ESBOL QORY qorynyń esirtki qylmysynyń digital-kartasy belsendi jumys isteıdi. Búgingi kúni esbol.kz saıtyna elorda turǵyndarynan 400-den astam ótinim kelip túsken jáne olardyń barlyǵyn quqyq qorǵaý organdary shara qoldaný maqsatynda qarastyryp jatyr.
Aıta keteıik, Qazaqstandaǵy nashaqorlyq máselesi ult densaýlyǵyna, ásirese jastar úshin negizgi qaýipterdiń biri bolyp otyr. Esirtki týraly Dúnıejúzilik baıandamanyń (2023) derekteri boıynsha, Qazaqstan 2017-2022 jyldar aralyǵynda dástúrli emes naryqtardaǵy metamfetamınniń tárkilenýi boıynsha elder arasynda ekinshi orynda tur.
Budan bólek, QR Densaýlyq saqtaý mınıstrliginiń 2024 jylǵy 1 qańtardaǵy statıstıkasy «Psıhoaktıvti zattardy qoldaný saldarynan psıhıkalyq jáne minez-qulyq buzylystary» dıagnozymen dınamıkalyq baqylaýda 18-29 jas aralyǵyndaǵy 2734 adam, sondaı-aq 66 bala men jasóspirim turatynyn kórsetedi. Bul derekterdi medısınalyq kómekti uıymdastyrý departamenti basqarmasynyń basshysy Anjela Beksultanova Ortalyq kommýnıkasııalar qyzmeti alańynda ótken baspasóz máslıhatynda aıtqan.
