- Qazir bizdiń kameralardy Ákimshilik quqyq buzýshylyqtyń biryńǵaı tizilimi júıesine qosyp ornatý júrip jatyr. Jeltoqsan aıynyń ortasyna qaraı bul ıntegrasııany aıaqtaımyz dep oılaımyn. Osydan keıin ereje buzý derekterin esepke alý bastalady, – dedi Kólik mınıstri Marat Qarabaev Parlament Májilisinde tilshiler saýalyna oraı.
Mınıstr bul kameralar jol erejesin óresken buzatyn adamdardy anyqtaý maqsatynda qoıylyp jatqanyn aıtty.
Onyń sózine qaraǵanda, "Astana-Býrabaı" jolynda saǵatyna 140 km jyldamdyqpen júrýge ruqsat etilgen. Alaıda, osy jolda saǵatyna 200 km-den joǵary jyldamdyqpen júrip ótkenderdiń bar ekeni anyqtalǵan.
Sonymen qatar M. Qarabaev qala ishindegi joldarda ortasha jyldamdyqty baqylaıtyn júıe ornatylmaıtynyn atap ótti.
