Foto: Senattyń baspasóz qyzmeti
«Barshańyzdy ulttyq merekemiz – Respýblıka kúnimen shyn júrekten quttyqtaımyn!
Prezıdentimiz Qasym-Jomart Kemeluly Toqaev atap ótkendeı, 25 qazan azattyqtyń altyn qazyǵy qaǵylǵan kún retinde qasterli. Osy merekege oraı elimizdiń barlyq óńirinde kók baıraǵymyz kóterilip, saltanatty rásim ótti.
Shyn máninde, Egemendik týraly deklarasııa – Táýelsizdikke jol ashqan asa mańyzdy qujat. Sol arqyly halqymyzdyń ǵasyrlarǵa jalǵasqan memlekettilik dástúri qaıta jańǵyrdy.
Osyndaı tarıhı sátti ulyqtaý egemendiktiń qadir-qasıetin arttyryp, qoǵamda otanshyldyq rýhty dáripteıdi. Sondaı-aq mundaı qadam ultty uıystyryp, halyqty jigerlendire túsedi. Sondyqtan eńseli eldiktiń bastaýy bolǵan bul kúnniń máni zor.
Barshańyzdy ulttyq merekemen quttyqtaı otyryp, elimizge amandyq, jerimizge tynyshtyq, ár otbasyna shattyq tileımin!
Egemendigimiz baıandy bolyp, Táýelsiz Qazaq eli jasaı bersin», delingen Máýlen Áshimbaevtyń quttyqtaýynda.
