Foto: instagram.com/azamat_sarsenbayev
Azamat Sársenbaevtyń aıtýynsha, qyrylǵan ıtbalyqtar qyzyl kitapqa engen.
Itbalyqtardyń jappaı qyrylý sebebin aýyl sharýashylyǵy mınıstrligi zertteýge kirisken. Mınıstrlik Kaspıı jaǵalaýyna monıtorıng júrgizý isi jalǵasyp jatqanyn da málimdedi.
«24 qazanda Jaıyq-Kaspıı oblysaralyq basseıni balyq sharýashylyǵy ınspeksııasynyń qyzmetkerleri Túpqaraǵan aýdanynda Kaspıı teńiziniń jaǵalaýyna monıtorıng júrgizý barysynda ıtbalyqtardyń óleksesin tapty. Ol jerge ınspeksııa, jergilikti atqarýshy organdar, gıdrobıologııa jáne ekologııa ınstıtýty, «Qazaq balyk» respýblıkalyq balyq sharýashylyǵy jáne akva-mádenıet qaýymdastyǵy fılıalynyń ókilderi jedel jetti. Itbalyqtardyń qyrylý sebebi tıisti zerthanalyq zertteýlerden keıin belgili bolady», delingen aýyl sharýashylyǵy mınıstrliginiń habarlamasynda.
