Foto: ashyq derekkóz
Sot úkimimen Altynbaev QK-niń 245-babynyń 2-bóligi 1) tarmaǵy (salyq tóleýden jaltarý) boıynsha kinásiz dep tanylyp, qylmys quramynyń bolmaýyna baılanysty aqtaldy.
Sot alqasy isti zerdelep, mynadaı qorytyndyǵa keldi:
QPK-niń 19-babyna sáıkes, sottalýshynyń kináliligine seıilmegen kúmán onyń paıdasyna túsindiriledi.
Osylaısha, kýá A. sotta 2019 jyldyń shilde aıynan bastap, 2021 jyldyń maýsymyna deıin Altynbaev JShS dırektory bolyp taǵaıyndalǵanyn, deklarasııany jumys istegen kezeńi úshin ózi tapsyratynyn, al Altynbaev 2019 jyldyń 3-toqsanynan salyq deklarasııasyn tapsyra bastaıtyny týraly onymen kelisim bolǵanyn atap kórsetti.
2019 jylǵy kezeń úshin f.100.00 (KPN) salyq eseptiligin ol 2020 jyldyń 25 mamyrynda ózi tapsyrǵan, óziniń elektrondyq sıfrlyq qoltańba kiltimen qol qoıǵan.
Altynbaev 2020 jyldyń mamyr aıynan bastap koronavırýspen aýyryp, ol dırektordyń mindetteriniń oryndalýyn ózine tapsyrǵan jáne JShS-nyń barlyq qarjylyq jáne basqa da qujattarǵa qol qoıý quqyǵyn ózine qaldyrǵan.
Qazirgi ýaqytta ol JShS basshysy retinde aı saıyn 5 mln teńge salyqtyq qaryzdy tólep jatyr, 2023 jyldyń qarashasynda onyń qaryzdy óteý somasy shamamen 48 mln teńgeni quraǵan.
Bul aıǵaqtardy basqa kýágerler - JShS qyzmetkerleri rastady.
Sot JShS-niń salyq deklarasııasyn zertteı kele, 2019 jylǵy 2-toqsan kezeńine f.300 nysandaǵy salyq eseptiligi (QQS) jáne 2019 jylǵy kezeń úshin f.100.00 (KPN) deklarasııa úshin 2019 jylǵy 2 tamyzda jáne 2020 jyldyń 25 mamyrynda shyn máninde ESQ kiltimen A.-nyń qol qoıǵanyn, al f.300 (QQS) nysandy deklarasııaǵa 2019 jylǵy 3 toqsan kezeńi úshin ESK-pen qol qoıǵan Altynbaev ekenin anyqtady.
Osylaısha, Altynbaev 2019 jyldyń 3-toqsany úshin eseptelgen QQS boıynsha 42 mln teńge kóleminde ǵana jaýapkershilikke tartylýy kerek.
Bul soma eleýli zalal bolyp tabylmaıdy, QK-niń 245-babynda kózdelgen qylmystyq quqyq buzýshylyqtyń mindetti belgisi.
Osyndaı jaǵdaıda sot alqasy Altynbaevqa qatysty sot aktilerin ózgerissiz qaldyryp, narazylyqty qanaǵattandyrýdan bas tartty.
