Belgili óner juldyzy Batyrhan Shókenov qaıtys boldy

ASTANA. 29 sáýir. Belgili óner juldyzy, «A’Stýdıo» tobynyń ánshisi Batyrhan Shókenov kenetten qaıtys boldy. Bul týraly «Vestı.Ru» habarlady. «Qazirgi zamanǵy Reseı mýzykasy aýyr qaıǵyǵa ushyrady. Jasy 53-ke qaraǵan shaǵynda mýzykant,  «A’Stýdıo» tobynyń solısi Batyrhan Shókenov qaıtys boldy. Aldyn ala málimetke qaraǵanda, ol júrek talmasynan ólgen», - delingen LifeNews jarııalaǵan habarlamada. Batyrhan Shókenov Qyzylorda qalasynda týǵan. Ol óziniń mýzykadaǵy mansabyn Roza Rymbaevanyń tobynda saksofonıst retinde bastady. 1988 jyly ózi dostarymen birge qurǵan «A’Stýdıo» tobynyń ártisi boldy. Keıin osynda «Djýlııa» degen hıtin shyǵardy. Ansamblge búkil halyq elikken tabys Alla Pýgacheva negizin qalaǵan «Rojdestvenskıe vstrechı» habaryna qatysa bastaǵannan keıin keldi. Ánshi 2000 jyly jeke mansabyn jasamaqshy bolyp «AStýdıony» tastap ketti. Batyrhan Shókenov 2007 jyly Qazaqstan Prezıdenti Nursultan Nazarbaevtyń óner jónindegi keńesshisi boldy. Al 2009 jylǵy qarashada Qazaqstannyń IýNISEF-tegi elshisi bolyp bekitildi. Ánshi aldaǵy 18 mamyr kúni 53-ke tolatyn edi. Qaırat Qulymbet. Derek, sýret: Vestı.Ru.