Foto: Polisia.kz
Eki kún ishinde polısııa izdeýde júrgen 280 qylmyskerdi ustady, onyń ishinde:
- Kisi óltirgeni úshin – 9;
- Densaýlyqqa aýyr zııan keltirgeni úshin – 4;
- Qaraqshylyq shabýyldar úshin – 5;
- Tonaý úshin – 7;
- Esirtki qylmysy úshin – 19 adam qolǵa túsken.
Respýblıkadan tys jerlerde 33 qylmysker quryqtalyp, al basqa memleketterdiń suraýymen 145 adam qamaýǵa alynǵan.
Sonymen qatar, Armenııanyń Noemberıan aýdanynyń aýmaǵynda 36 jastaǵy Qazaqstan azamaty ustalǵan. Ol qyrkúıek aıynyń sońynda Petropavlda qala turǵynyna pyshaq jaraqatyn salyp, ómirine qastandyq jasaǵan.
Pavlodar oblysy polısııasynyń jedel-izdestirý toby Reseı Federasııasynyń Orel qalasynda 42 jastaǵy azamatty qolǵa túsirdi. Qaskóı 2017 jyly óńirlik JShS-niń birine dızel otynyn jetkizýge ýáde berip, 50 mln teńgeni ıemdengen.
Almaty polısııasy Tashkent oblysynyń MIIB-men izdeýde júrgen 28 jastaǵy О́zbekstan azamatyn ustaǵan. Áıel 2015 jyldyń mamyr aıynda óziniń kámeletke tolmaǵan qyzyn óltirgen.
Qazaqstan IIM Interpolynyń suraýy boıynsha Germanııanyń Nıýrnberg qalasynda elimizdiń 42 jastaǵy azamaty ustalǵan. Ol naýryz aıynyń sońynda astyq jetkizýge ýáde berip, Pavlodarda sheteldiktiń 244 myń AQSh dollaryn jymqyrǵan.
Abaı oblysynyń PD qyzmetkerleri izdeýde júrgen semeılik turǵyndardy qalanyń ózinde qolǵa túsirgen. Olar 2021 jyly UQT kómegimen metall zaýytynan quramynda altyny bar materıaldy urlap áketken.
Sondaı-aq, júrgizilgen jumys barysynda polısııa qyzmetkerleri habar-osharsyz ketken 53 adamnyń ornalasqan jerin anyqtaǵan.
