Foto: azattyq-ruhy.kz
Mınıstrdiń aıtýynsha munyń barlyǵy bıýdjettiń múmkindigine baılanysty.
«Bizde áleýmettik paketter boıynsha ózgertýler kútip tur. Ol bıýdjettiń shyǵyn qarajatyn qajet etedi. Biz oǵan bıznes-prosesterdiń transformasııalanýy, sıfrlanýy, memlekettik artyq qyzmetterdi qysqartý arqyly kele jatyrmyz. Sodan keıin balalarǵa shartsyz tólem jasaýǵa kelemiz. Qazir bul sheshimdi qabyldasaq, salyq tóleýshilerge aýyr bolady», deıdi Svetlana Jaqypova.
Mınıstr ataǵandaı, búginde áleýmettik bıýdjet 6 trln teńge, ol bıýdjettiń 38 paıyzyn quraıdy. Al, elimizde 5 mln bala bar, tólem jasaýǵa 3 trln teńge kerek bolady.
«Bizde ondaı múmkindik bar ma? Bul salyqty 10 paıyz emes, 20 paıyzǵa ósirý kerek degen sóz. Biz oǵan daıynbyz ba? Qazir jergilikti deńgeıde baǵdarlamalar kóp. Bıýdjet boıynsha aýdıt ótkizgende járdemaqylardyń 144 túri bar ekenin anyqtadyq», deıdi mınıstr.
Azattyq-ruhy.kz-tiń aqparatyna sáıkes búgin Májilis depýtaty Gaýhar Tanasheva jalpy otyrysta ár balaǵa 70 myń teńge kóleminde memlekettik járdemaqy taǵaıyndaýdy usynǵan.
