Balalar qaýipsizdigin kúsheıtýge mán berdi

Basqosýǵa Oqý-aǵartý mınıstri, Mádenıet jáne aqparat mınıstri, Bas prokýratýra, Ulttyq qaýipsizdik komıteti, Ishki ister mınıstrligi, Prezıdent Ákimshiligi qurylymdyq bólimsheleriniń ókilderi jáne Bala quqyqtary jónindegi ýákil qatysty.

Jıynda balalardyń qaýipsizdigin qamtamasyz etý jáne quqyqtaryn qorǵaý, quqyq buzýshylyqqa qarsy is-qımyl, jasóspirimder arasyndaǵy sýısıdtiń aldyn alý jáne oǵan jol bermeý boıynsha júıeli ári jedel is-sharalardy júzege asyrý máseleleri qaraldy.

E.Qarın bul problemalar memle­ket­tiń jiti nazarynda ekenin atap ótti. Memlekettik organdar qajetti ınstıtýsıonaldyq sheshim­der ázir­lep, syn-qaterlerdiń aldyn alý tetikteri men algorıtmderin jasady.

Memlekettik keńesshiniń pikirin­she, balalardyń qaýipsizdigin qam­ta­masyz etýge jáne olardy zań ta­lap­t­aryna qaıshy aqparattan qor­ǵaý­ǵa baǵyttalǵan jumystardy jú­ıe­li júrgizýdiń mańyzy zor. Atal­ǵan sharalardy júzege asyrýǵa aza­mat­tyq ınstıtýttardy jáne ata-analar­dy da tartqan jón.

Jıyn sońynda E.Qarın jaýapty memlekettik organdar arasyndaǵy baılanysty nyǵaıtý jóninde naqty tapsyrmalar berdi.