Osymen ekinshi ret uıymdastyrǵan óner dodasyna Qytaı, Polsha, Bolgarııa, Chehııa, Túrkııa, Grýzııa, Ázerbaıjan, Reseı, Bashqurtstan, О́zbekstan jáne elimizden 15 úzdik teatr ujymy men 150-den asa qýyrshaq sheberleri qatysty. О́ner merekesi aıasynda qoıylymdar kórsetiliminen tys festıval qatysýshylarynyń arasynda atalǵan saladaǵy mamandardyń kásibı deńgeıin arttyrý maqsatynda úzdik qýyrshaq mamandarynyń jetekshiligimen sheberlik saǵattar men dárister ótti. Nátıjesinde, festıval atalǵan elder baılanysyn nyǵaıtyp, mádenı turǵydan Almaty bedelin qalyptastyrary sózsiz.
Festıvaldyń eń negizgi júldesi – «Úzdik spektakl» atalymy boıynsha Gran-prı syılyǵy Aqtóbe oblystyq «Alaqaı» qýyrshaq teatryna tabystaldy. Atalǵan óner ordasy bul júldege rejısser Anton Zaısev sahnalaǵan «Jomart aǵash» spektaklimen laıyqty dep tanyldy. Atalǵan qoıylym kórermender men qazylar alqasyna óziniń tereń maǵynasy jáne astarly oıymen, ártisteriniń sheberligimen, rejısserlik utymdy sheshimdermen ózgeshelendi.
«Úzdik rejısser» atalymy boıynsha júldeni Gúrjistannan kelgen Borjomı memlekettik kásibı qýyrshaq teatry
«Gýdýlı ata men kishkentaı Ýcha» spektaklimen ıelendi. Dmıtrıı Hvtısıashvılı erekshe rejısserlik kózqarasymen, al ártister qýyrshaqtarǵa joǵary deńgeıde jan bitirýimen tańdandyrdy.
«Úzdik akterlik ansambl» júldesine Reseıdiń «Skarabeı» kóleńkeli balalar teatry «Qyzǵylt gúl» spektaklimen laıyq dep tanyldy. Rejısser Sergeı Cherepanov birtutas ansambl quryp, erekshe sheberligimen tánti etti. Túrkııanyń Ankara qalasynan kelgen «Tempo» rejısser Halıýk Iýdjeniń «О́zimshil alyptyń baǵynda» qoıylymy úshin «Sheberligi men adaldyǵy úshin» atalymyn ıelendi. «Úzdik qýyrshaq júrgizýshi» júldesine Gonkongten kelgen (QHR) «Sky Bird» qýyrshaq birlestigi ıe boldy. Rejısser, akter, qýyrshaq júrgizý sheberi Chýn Feı Chengtiń jetekshiligimen sahnalanǵan «Qytaı dástúri» spektakli kórermenderdi ereksheligimen tańdandyryp, shyǵarmashylyq shabyt syılady. Qytaı mádenıetiniń baı jáne alýan túrli qyrlaryn utymdy kórsetti. Al, «Jańashyl kózqaras» atalymyn «Alty sezim» eksperımentaldy qoıylymyn usynǵan Bashqurt memlekettik qýyrshaq teatry enshiledi. Bul qoıylym qýyrshaq ónerindegi jańashyl ári kreatıvti sheshimderimen qazylar alqasynyń nazaryn aýdardy.
Gúlim KО́PBAIQYZY,
Almaty memlekettik qýyrshaq teatry baspasóz qyzmetiniń jetekshisi
