M.Áshimbaev ózekti, ashyq jáne senimdi statıstıkalyq derekter qazirgi jaǵdaıdy obektıvti baǵalaýǵa, sondaı-aq strategııalyq baǵdarlamalar men jobalar ázirleýge múmkindik beretinin atap ótti. Jalpy óńirlerdiń áleýmettik-demografııalyq jaǵdaıyndaǵy teńgerimsizdik, jastardy jumyspen qamtý jáne jas otbasylardy qoldaý máseleleri eldiń turaqty áleýmettik-ekonomıkalyq damýy jolyndaǵy mańyzdy baǵyt ekeni anyq. Sondyqtan Memleket basshysy bul salaǵa únemi basa mán berip keledi.
«Prezıdent Qasym-Jomart Toqaev bizge Big Data-ny taldaý jáne jasandy ıntellektini paıdalaný jóninde naqty mindetter júktedi. Shyn máninde, statıstıka – taldaý júrgizý, boljam jasaý jáne tıimdi sheshimder qabyldaýdyń negizi. О́zekti, ashyq, senimdi aqparat strategııalyq baǵdarlamalar ázirleýge jáne eldiń ornyqty damýyna oń áser etetini sózsiz. Osy turǵyda Senat Ulttyq statıstıka bıýrosyna qajetti zańnamalyq qoldaý kórsetýge daıyn», dep M.Áshimbaev salany damytýǵa qajetti jaǵdaı jasaýdyń mańyzdy ekenin alǵa tartty.
Sonymen qatar Senat tóraǵasy ashyq jáne qoljetimdi statıstıka qoǵamnyń memlekettik ınstıtýttarǵa degen senimin arttyryp, halyqaralyq uıymdarmen jáne ınvestorlarmen qarym-qatynastardy nyǵaıtýǵa oń áser etetinine nazar aýdardy. Mundaı jaǵdaı eldiń ornyqty damýyna da yqpal etedi. Palata spıkeri osyǵan baılanysty statıstıka salasyndaǵy jumysty jetildirý úshin jańa tetikterge, onyń ishinde Big Data-ǵa jáne zertteý tásiline erekshe mán berý kerek ekenin aıtty.
«Astana men Almatyda zertteýshi kabınetteriniń ashylýy derekterdiń qoljetimdiligin arttyrýdyń ozyq úlgisi ekeni anyq. Osyǵan baılanysty otandyq jáne halyqaralyq zertteýshiler ıesi kórsetilmegen derektermen jumys isteýge múmkindik alyp otyr. Bul ǵalymdarmen jáne ǵylymı uıymdarmen yntymaqtastyqty nyǵaıtady. Sondaı-aq uzaq merzimdi zertteýler júrgizýge qajetti analıtıkalyq baza qalyptastyrýǵa yqpal etedi. Taldaý tehnologııalary men Big Data-ny belsendi engizý de osy saladaǵy mańyzdy qadam ekenin atap ótken jón. Búginde bizdiń aldymyzda jasandy ıntellekt kómegimen derekterdi jınaý jáne óńdeý ádisterin damytý mindeti tur. Derekterdiń ashyq, obektıvti, jedel jáne tolyq bolýyn qamtamasyz etý – memlekettik statıstıka júıesiniń aldynda turǵan mańyzdy mindet. О́ıtkeni atalǵan derekter eldiń odan ári damýyna yqpal etedi», dep M.Áshimbaev sapaly statıstıka Ornyqty damý maqsattaryna jetýdiń negizgi tetikteriniń de biri bola alatynyna toqtaldy.
О́z kezeginde Strategııalyq josparlaý jáne reformalar agenttiginiń tóraǵasy Jandos Shaımardanov depýtattarǵa agenttiktiń aldaǵy kezeńge arnalǵan josparlary men jobalary týraly aıtyp berdi. Buǵan qosa kezdesý barysynda Ulttyq statıstıka bıýrosy basshysynyń orynbasary Farhat Qalıev, «Aqparattyq-esepteý ortalyǵy» RMK dırektorynyń birinshi orynbasary Sársen Jańabekov jáne taǵy basqa sarapshylar baıandama jasap, sóz sóıledi.
