Foto: Joǵarǵy sot
Joǵarǵy sottyń baspasóz qyzmeti málim etkendeı, 2025 jyldyń 1 shildesinen bastap azamattyq jáne qylmystyq ister boıynsha derbes kassasııa engiziledi.
Kassasııalyq satyda aldyn ala qaraý kezeńi alynyp tastalady.
Azamattar sot aktilerin qaıta qaraý týraly ótinishhat emes, kassasııalyq shaǵym beredi.
Sot isin júrgizýdiń barlyq túrlerine kassasııalyq qadaǵalaýdyń biryńǵaı erejeleri engizilip jatyr.
Ákimshilik isterge uqsas, qylmystyq jáne azamattyq isterdi kassasııalyq satyda qaraý merzimi qısyndy merzimde, biraq 6 aıdan aspaıtyn merzimde júzege asyrylady.
Kassasııalyq satyǵa qoljetimdilikti keńeıtý úshin 2027 jylǵy 1 shildeden bastap, múliktik múddelerine baılanysty daýlar boıynsha jeke tulǵalardyń talap qoıý somasy 2 myń AEK-ten tómen jáne zańdy tulǵalardyń talap qoıý somasy 30 myń AEK-ten tómen, sondaı-aq qylmystyq quqyq buzýshylyqtar jáne usaq qylmystar boıynsha shekteýler alynyp tastalady.
Ákimshilik ister boıynsha sot aktileri apellıasııalyq shaǵymdanǵannan keıin zańdy kúshine enedi.
Azamattyq isterge uqsas, 2025 jyldyń 1 naýryzynan bastap jaýapker ákimshilik organ bolyp tabylatyn talap qoıýshynyń tańdaýyna sáıkes ákimshilik ister boıynsha eksaýmaqtyq sottylyq engiziledi. Bul memlekettik organdardyń qyzmetine de tıimdi áser etedi.
Derbes kassasııalyq sottardyń qurylýyna baılanysty Joǵarǵy sottyń róli ózgeredi.
Onyń negizgi maqsaty sot praktıkasyn jáne sot tóreligin júzege asyrýda zańdylyqty saqtaý máselelerin zerdeleý ári qorytý bolmaq.
Senat otyrysynan keıin Joǵarǵy sottyń azamattyq ister jónindegi sot alqasynyń tóraǵasy Nurserik Sháripov jýrnalısterdiń suraqtaryna jaýap berdi.
