Aýa raıy • 07 Qarasha, 2024

Pavlodar oblysynda tótenshe jaǵdaı rejımi jarııalanady

170 ret

kórsetildi

1 mın

oqý úshin

Daýyldy jeldiń saldarynan oblystyń úsh qalasynda jáne olardyń aýyldyq aımaqtarynda, sondaı-aq, Aqtoǵaı men Baıanaýyl aýdandarynda 12 áleýmettik nysan men ákimshilik ǵımarattyń, 31 kópqabatty jáne 3 jeke turǵyn úıdiń tóbe jabyny men qasbetine zaqym kelgen, dep jazady Egemen.kz.

Aıana TOǴANBEK

Pavlodar oblysynda tótenshe jaǵdaı rejımi jarııalanady

Foto: informburo.kz

Pavlodar oblysynyń aýmaǵynda ekpini sekýndyna 28-30 metrge deıin jetetin daýyl áli de soǵyp tur.

Oblys ákimdiginde aýa raıynyń qolaısyzdyǵyna baılanysty óńirdegi aǵymdaǵy ahýal talqylandy.

«Zardap shekken qalalar men aýdandardyń ákimdikterine jedel túrde Tótenshe jaǵdaılar jónindegi komıssııalardyń otyrystaryn ótkizý jáne keltirilgen zalaldy baǵalaý men zardap shekken nysandardy qalpyna keltirý úshin tabıǵı sıpattaǵy jergilikti aýqymdaǵy tótenshe jaǵdaı rejımin jarııalaý týraly qajetti sheshimder qabyldaý tapsyryldy», dep habarlady oblys ákiminiń baspasóz qyzmetinen.

Sonymen qatar elektrmen jabdyqtaý jelilerinde 120 apattyq óshirý bolǵan, onyń 69-y joıyldy. Qalǵandarynda jumystar jalǵasyp jatyr. 68 apattyq brıgada (180 adamnan astam) jáne 62 tehnıka jumyldyryldy.