Ekologtardyń sózinshe, sý janýarlary aýrý juqtyrǵan jaǵdaıda olar jappaı bir jerde ólýge tıis edi. Alaıda ólekseler ár jerden tabylǵan. Sondaı-aq qyrylǵan analyq ıtbalyqtardyń jartysynan kóbi býaz eken. Bul olardyń tirshilikke beıim bolǵanyn kórsetedi.
Aıta keteıik, Kaspıı jaǵalaýynan qazannyń 27-si men 30-y aralyǵynda 300-den asa ıtbalyq óleksesi tabylǵan. Al osy aptanyń basynda taǵy 121 teńiz janýary óli tabyldy. Qyrylǵan sý janýarlaryn zertteýmen aınalysqan Ásel Baımuqanovanyń aıtýynsha, ıtbalyqtar kúzde kóbeıýi úshin Soltústik Kaspııge qaraı aýysady. Olar teńizdiń osy bóligine shoǵyrlaný kezinde ólgen bolsa kerek.
- Alańdatatyny, zerttelgen analyqtardyń jartysynan kóbi býaz bolyp shyqty. Sondaı-aq semiz ıtbalyqtar ekeni kórinip tur. Olardyń ólimi tabıǵı emes, kenetten bolǵandaı. О́limniń sebebi ártúrli bolýy múmkin: tabıǵı (jer silkinisi, tabıǵı gaz shyǵýy), tehnogendi (teńiz aımaqtarynyń lastanýy), aýrýlar (epıdemııalar). Eger epıdemııa bolsa, ıtbalyqtar jappaı bir jerde qyrylatyn edi, - dedi Gıdrobıologııa jáne ekologııa ınstıtýtynyń ekology Ásel Baımuqanova.
