Ol 2015–2020 jyly Shymkenttegi saýda ortalyǵynda jumys istep júrip, ózine senip tapsyrylǵan 57 mıllıon teńgege jýyq qarajatty jymqyrdy degen kúdikke ilindi. Qylmys jasaǵannan keıin jasyrynyp, oǵan halyqaralyq izdeý jarııalanǵan. Bıyl aqpan aıynda ol Shvesııada ustaldy.
Qazaqstan Bas prokýratýrasynyń ótinishi boıynsha kúdikti elge ekstradısııalanyp, qazir Astana qalasynyń tergeý ızolıatoryna qamaldy.
Aıyptalýshy 7 jyldan 12 jylǵa deıingi merzimge bas bostandyǵynan aıyrylýy múmkin.
Aıta ketý kerek, Shvesııa Koroldigimen ekstradısııalaý týraly kelisimniń joqtyǵyna qaramastan, sottalýshyny ekstradısııalaý Qazaqstan Bas prokýratýrasy men Shvesııa Ádilet mınıstrligi arasyndaǵy tyǵyz yntymaqtastyqtyń arqasynda múmkin boldy. Odan basqa, ótken jyly shved taraby Qazaqstanǵa izdeýde júrgen 2 adamdy ekstradısııalaǵan bolatyn, olar qazir ártúrli jaza túrlerine sottalǵanyn eske salamyz.
