Sport • 13 Qarasha, 2024

Jarystar kúndeligi

90 ret

kórsetildi

2 mın

oqý úshin

Elimizdiń birinshi raketkasy Elena Rybakına Astanada 16-17 qarasha kúnderi Bıllı Djın Kıng kýbogi aıasynda ótetin Ońtústik Koreıaǵa qarsy matchqa qatysady. Qazaqstan tennıs federasııasy E.Rybakınadan basqa kezdesýge Zarına Dııas, Iýlııa Pýtınseva, Anna Danılına, Jibek Qulambaeva qatysatynyn málimdedi. Tennısshi qyzdardyń qarsylastary qazirdiń ózinde belgili. Ońtústik Koreıa úshin Da En Bak (álemniń 314-raketkasy), So Hen Pak (juptyq razrıadta 252-raketka), Ký En Vý (WTA, 418), Kım Dabın (juptyq razrıadta 838-raketka) oınaıdy. Elimiz quramasy Ulttyq tennıs ortalyǵynyń korttarynda ótetin saıystyń favorıti bolyp sanalady. Álemdik komandalyq reıtıngte elimiz quramasy 13-orynda, al Koreıa 32-orynda.

Ǵalym SÚLEIMEN

Ústel tennısinen otandyq sportshy Jánııa Bekmuhambetova Lınıanoda (Italııa) ótken WTT Youth Contender Lignano 2024 halyqaralyq týrnırinde altyn medal jeńip aldy. Ol U11 jas sanatynda úzdik atandy. Otandasymyz Serena Rossetıdi (Italııa) 3:0, Emılı Kojokarýdy (Italııa) 3:0, Djýlııa Fernandesti (Ispanııa) 3:0, Bıanka Tomany (Rýmynııa) 3:0, Aıalgýý Erdenehýıagty (Mońǵolııa) 3:2 esebimen jeńdi. Aıta keteıik, Jánııa Bekmuhambetova ústel tennısinen Mysyr, Majarstan, Slovakııada ótken jarystarda da altyn aldy.

Brazılııanyń Florıanapolıs qalasynda shahmattan ótken álem chempıonatynda elimizdiń eń jas halyqaralyq sheberi, 14 jastaǵy Saýat Nurǵalıev qola medaldy jeńip aldy. 14 jasqa deıingiler arasynda ótkizilgen álem chempıonatynda ár elden kelgen 118 jas shahmatshy baq synasty. Olardyń kópshiligi – óz elderiniń chempıondary. Fınaldyq básekeniń 11 týrynan soń úsh úmitker 8,5 upaıdan jınap, qosymsha kórsetkish boıynsha otandyq jas shahmatshy Saýat Nurǵalıev júldeli 3-oryndy ıelendi. S.Nurǵalıevtiń atalǵan dúbirli dodaǵa úlken daıyndyqpen barýyna «Astana» shahmat klýby ortalyǵynan Abylaı Tastambekov tikeleı qoldaý kórsetti.