Sýret: ru.freepik.com
Oblystyq sanıtarııalyq-epıdemıologııalyq baqylaý departamenti basshysynyń orynbasary Altyngúl Aımuratovanyń aıtýynsha, bıyl jergilikti bıýdjet esebinen Reseı Federasııasynda shyǵarylǵan «Grıppol plıýs» vaksınasynyń 65 000 dozasy satyp alynǵan. О́ıtkeni tumaýdy juqtyrmaýdyń birden-bir joly – vaksına ektirý.
«Tumaýǵa qarsy maýsymdyq vaksınasııalaý 15 qyrkúıekte bastaldy. Osy kezge deıin 59 510 adam tumaýǵa qarsy vaksına ektirdi. Onyń ishinde 1 023 adam vaksınany jumys berýshi esebinen alǵan. Vaksına saldyrǵandardyń arasynda 2 594 júkti áıel, 13 134 bala bar», deıdi A.Aımuratova.
Infeksıonıst-dáriger Aınur Qazıevanyń aıtýyna qaraǵanda, tumaý ımmýnıteti álsiregen adamdarǵa tez juǵady. Ásirese balalar men egde jastaǵylar jıi shaldyǵady.
«Balalar men egde jastaǵy adamdarda sımptomdar jyldam órbýi, tipti zardaby aýyr bolýy múmkin. Keıbir jaǵdaıda tumaýdyń saldarynan bronhıt, pnevmonııa, gaımorıt syrqaty asqynady. Al egde jastaǵy naýqastarda astma, qant dıabeti, júrek aýrýy sekildi sozylmaly aýrýlardyń órshýine ákelip soqtyrady. Tumaý qoǵamdyq oryndarda, mektepterde, keńselerde tez juǵady. Sol sebepten, tumaýdy juqtyrmaýdyń eń tıimdi joly – jyl saıyn ekpe alý», dep málimdedi A.Qazıeva.
Sondaı-aq munaıly óńirde kókjóteldiń taralý deregi kóbeıgeni baıqalady. Atyraý oblystyq sanıtarııalyq-epıdemıologııalyq baqylaý departamenti basshysynyń orynbasary A.Aımuratovanyń málimetinshe, jyl bastalǵaly bul derttiń 144 jaǵdaıy tirkelipti. Naýqastyń basym bóligi Atyraý qalasynda anyqtalǵan.
«Kókjótel – juqpaly ınfeksııalyq dert. Ony Bordetella pertussis bakterııasy qozdyrady. Bul aýrý, ásirese, balalarǵa qaýipti bolýy múmkin. О́ńirde kókjóteldiń kóp tirkelýi atalǵan ınfeksııanyń taralý qarqyny joǵary ekenin kórsetedi. Turǵyndar kókjótelden qorǵanýdyń eń tıimdi ádisteriniń biri vaksına saldyrý ekenin eskermeıdi. Vaksınany turaqty alǵan adamda juqpaly aýrýlardyń juǵý qaýpi tómen bolady. Qoǵamdyq oryndarda jeke gıgıena sharalaryn saqtaýǵa mán berý qajet. Bul da aýrýdyń taralýyn tómendetýge yqpal etedi», deıdi A.Aımuratova.
Atyraý oblystyq ftızıopýlmonologııa ortalyǵynyń statıstıka júrgizetin dárigeri Almas Qumarovtyń deregine qaraǵanda, bıyl 9 aıda 231 adam týberkýlez dertine shaldyqqan. Kúrk-kúrk jótelip, qan túkiretin naýqastar sany ótken jylǵy kórsetkishten 15 adamǵa ǵana azaıǵan. Degenmen týberkýlezdiń taralý kórsetkishi 7,6 paıyzdy quraǵan.
«Byltyrǵy 9 aıda týberkýlezben aýyrǵan 246 adam anyqtalǵan edi. Al bıyl osy dertti juqtyrǵan naýqastar azaıdy. О́lim kórsetkishi de ótken jylmen salystyrǵanda 18,6 paıyzǵa tómendedi. Juqpaly aýrýdyń aldyn alý maqsatynda 4 679 adam dıaskıntestiden ótkizildi. Onyń ishinde 2 256 bala men 310 jasóspirim bar. Eresekter sany – 2113», dep habarlady A.Qumarov.
Dárigerdiń málimetinshe, aýyryp júrgen naýqastarmen qarym-qatynasta bolǵan 1 430 adam tekserilgen. О́kpesinde derti bar naýqastarmen baılanys ornatqandardyń arasynda 73 bala, 650 jasóspirim, 707 eresek adam bolǵan. Sondaı-aq qaýip-qater tobyna jatatyn 3 myńǵa jýyq adam baqylaýǵa alynǵan.
Atyraý oblysy
