Qazir 3 joba júzege asty. Atap aıtqanda, «Koksai resort», «Almaly» (Jambyl aýdany) týrıstik aımaqtary men Taraz qalasyndaǵy «Zerbulaq» akvaparki týrısterdiń barlyq suranystaryna saı qyzmet kórsetedi.
«Osy jyldyń III toqsanynyń qorytyndysynda oblysqa 95 644 týrıst saıahattap keldi. Onyń ishinde 1 455 sheteldik, elimizdiń ózge óńirlerinen kelgen 94 209 týrıst bar. О́tken jyldyń sáıkes kezeńimen salystyrǵanda týrıster sany 40,1 paıyzǵa ósken. Búginde oblys aýmaǵynda 225 týrısterdi ornalastyrý, 525 tamaqtaný, 21 demalys orny, 16 týrıstik uıym, 9 balalardy saýyqtyrý lageri, 7 shıpajaı jumys isteıdi. Týrısterge 1,3 mlrd teńgeniń qyzmeti kórsetildi», dep jazylǵan ákimdik habarlamasynda.
Týrıstik ınfraqurylymdy damytýǵa qatysty jumystar da qarqyndy júrgizilip jatyr. Máselen, Jambyl aýdany «Aqyrtas» arheologııalyq keshenindegi aýyzsý máselesi jeke ınvestordyń qarajaty esebinen sheshimin tapty. Taraz qalasyndaǵy «Taskól» demalys ortalyǵy elektr jelisimen qamtamasyz etildi. Budan bólek, 4 týrıstik nysannyń ınfraqurylymyn damytýǵa qatysty jobalyq-smetalyq qujattama ázirlenip, memlekettik saraptamadan ótkizildi.
Týrısterge tolyq aqparat beretin, ıaǵnı anyqtamalyq qyzmettiń barlyq resýrstary qamtylǵan 4 týrıstik aqparattyq termınal halyq kóp shoǵyrlanatyn oryndarǵa qoıylǵan.
Týrızm salasyn damytýdaǵy negizgi mindetterdiń biri – kásibı mamandar daıarlaý. О́tken jyly gıdter men ekskýrsovodtar kýrsy uıymdastyrylyp, 30 maman halyqaralyq dárejedegi sertıfıkat aldy. Bıyl «Jandy sabaqtar» jobasy, «Taraz City bus» ekskýrsııalyq baǵdarlamasy, «Kóktem kórki – qyzǵaldaq» is-sharasy júzege asyryldy.
2024 jyl – Qytaıdaǵy Qazaqstan týrızmi jyly bolyp jarııalandy. Atalǵan bastama aıasynda Jambyl oblysynyń týrıstik áleýeti men múmkindikteri tanystyryldy.
Aıta ketelik, Taraz qalasy Dúnıejúzilik qolónershiler qalalarynyń tizimine 56-qala bolyp engizilip, elimizdiń alǵashqy qolónershiler qalasy mártebesine ıe boldy. Osy mártebeni ári qaraı bekitý maqsatynda jyl saıyn «Taraz – qolónershiler qalasy» halyqaralyq qolónershiler kórmesi uıymdastyrylyp turady.
